રાજકોટમાં યોજાયું લાઈવ બેસણું:500થી વધુ લોકોએ ઓનલાઈન શ્રદ્ધાંજલિ અર્પી

કોરોના મહામારીને કારણે દરેક ક્ષેત્રમાં મોટાપાયે બદલાવ આવ્યા છે. કોઈએ કલ્પના પણ નહીં કરી હોય કે સમાજમાં બેસણા પણ ઓનલાઈન યોજાશે, પરંતુ કોરોનાએ બધું શક્ય બનાવી દીધું છે. રાજકોટમાં ગુરુવારે એક બેસણું ઝૂમ એપના માધ્યમથી લાઈવ યોજાયું હતું. રાજકોટના હર્ષાબેન ટાંકનું અવસાન થતા તેમના પુત્ર તિલકને બેસણાનો પ્રસંગ ઓનલાઈન યોજવાનો વિચાર આવ્યો. લાઈવ બેસણામાં 500થી વધુ કુટુંબીઓ અને સત્સંગીઓ જોડાયા હતા. ઓનલાઈન બેસણાની શરૂઆત ધૂન-પ્રાર્થના સાથે થઇ હતી.