તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Local
  • Gujarat
  • Rajkot
  • In The Corporation, 5 Years Ago, There Was A Line For All Operations From The Form Of Swimming Pool, Now Only Services On Mobile.

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

વિશ્વ ટેક્નોલોજી દિવસ:મહાપાલિકામાં 5 વર્ષ પહેલા સ્વિમિંગ પૂલના ફોર્મથી લઇ તમામ કામગીરી માટે લાગતી હતી લાઇન, હવે મોબાઇલ પર જ સેવાઓ

રાજકોટ10 મહિનો પહેલા
  • કૉપી લિંક
  • મનપામાં એક ક્લિકથી એક ડઝનથી વધુ સેવાઓ ઉપલબ્ધ

11 મે વર્લ્ડ ટેક્નોલોજી દિવસ છે. રાજકોટ મહાનગરપાલિકામાં ટેક્નોલોજીના ઉપયોગનો પ્રારંભ 1989-90ના વર્ષમાં એક કમ્પ્યૂટરથી થયો હતો. આ કમ્પ્યૂટર ઓપરેટ કરવા માટે બે કામ ચલાવ કર્મચારીઓ રાખવામાં આવ્યા હતા. આજે રાજકોટ સ્માર્ટ સિટી તરફ આગળ વધી રહ્યું છે. જમીનમાં રહેલી તમામ પાઇપલાઇન, કેબલ સરવે માટે જીઆઇએસ ટેક્નોલોજીનો ઉપયોગ થાય છે. 5 વર્ષ પહેલા રાજકોટ મહાનગરપાલિકાની કચેરીમાં લોકોની લાઇનો જોવા મળતી પરંતુ હવે લોકો પોતાના મોબાઇલ અને કમ્પ્યૂટરની મદદથી મનપાની એક ડઝનથી વધુ સેવા મેળવી રહ્યા છે.

જન્મ-મરણના દાખલા, લગ્ન નોંધણી, ટાઉન પ્લાનિંગની જુદીજુદી કામગીરી, મિલકત વેરો, પાણી વેરો, વાહન વેરા સહિતના ટેક્સ, સ્વિમિંગ પૂલના માત્ર ફોર્મ લેવા માટે મનપામાં લાંબી લાઇનો જોવા મળતી હતી, પરંતુ આજે આ તમામ કામગીરી ઓનલાઇન એક ક્લિકથી મળી રહે છે. લોકોને કોઇ ફરિયાદ હોય તો 11 વર્ષ પહેલા મનપામાં રૂબરૂ જવું પડતું હતું, પરંતુ 2008-09માં રાજ્યની પ્રથમ કોલ સેન્ટરની શરૂઆત કરી અને આજે અહીં વર્ષે બે લાખથી વધુ લોકો પોતાને પડતી મુશ્કેલીની ફરિયાદ કરી રહ્યા છે અને તે હલ થાય ત્યારે તેમને એસએમએસથી માહિતી મળે છે.

રાજકોટ શહેરમાં રહેતા પ્રત્યેક લોકોને પોતાના ઘરથી ત્રણ કિલોમીટરના વિસ્તારમાં પ્રાથમિક સુવિધા મળી રહે તે માટે તમામ વોર્ડ ઓફિસ ખાતે ટેક્નોલોજી પહોંચતી કરી દીધી છે. આગામી દિવસોમાં રાજકોટ શહેરની ટ્રાફિક સમસ્યા હલ કરવા માટે પણ ટેક્નોલોજીનો ઉપયોગ થશે. હોકર્સ ઝોન બહાર ઊભી રહેતી રેંકડી દૂર કરવા સેન્સર, સ્માર્ટ ટ્રાફિક સિગ્નલ, સ્માર્ટ પાર્કિંગ પોઇન્ટ સહિતના પ્રોજેક્ટ શરૂ કરવામાં આવશે.

મનપાની ટી.પી. શાખામાં આજથી રૂટિન કામગીરી શરૂ
લોકડાઉન 2.0 દરમિયાન શહેરના બાંધકામ ઉદ્યોગને જિલ્લા કલેક્ટરે ચાલુ કરવા મંજૂરી આપી દીધી છે. જેના પગલે રાજકોટ મહાનગરપાલિકાની ટાઉન પ્લાનિંગ શાખામાં રૂટિન કામગીરી પણ ચાલુ કરવા નિર્ણય લેવામાં આવ્યો છે. ટી.પી. શાખામાં બાંધકામ પ્લાન ઇન્વર્ડ, બાંધકામ પરવાનગી, કમ્પ્લીશન સર્ટિફિકેટ સહિતની કામગીરી શરૂ કરવામાં આવશે. મનપાના ટીપીઓ એમ.ડી. સાગઠિયાએ જણાવ્યું હતું કે, સોશિયલ ડિસ્ટન્સ સાથે કામગીરીનો સોમવારથી પ્રારંભ થશે. 15 મીટરથી ઓછી ઊંચાઇના બાંધકામને ઓનલાઈન મંજૂરી અપાશે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે તમે તમારા વ્યક્તિગત સંબંધને મજબૂત કરવામાં વધારે ધ્યાન આપશો. સાથે જ તમારા વ્યક્તિત્વ અને વ્યવહારમાં થોડું પરિવર્તન લાવવા માટે સમાજસેવી સંસ્થાઓ સાથે જોડાવવું અને સેવા કાર્ય કરવું ખૂબ જ યોગ...

    વધુ વાંચો