• Gujarati News
  • Local
  • Gujarat
  • Rajkot
  • In The Corona Epidemic The Examinee Cannot Be Reached Everywhere In The Semester System, So Stress Is Generated And The Effect Is On Everyone In The House

સૌ.યુનિ.ના મનોવિજ્ઞાન ભવનનું તારણ:કોરોના મહામારીમાં સેમેસ્ટર સિસ્ટમમાં પરીક્ષાર્થી બધે પહોંચી શકાતો નથી, જેથી સ્ટ્રેસ ઉત્પન્ન થાય છે અને અસર ઘરના દરેક વ્યક્તિ પર થાય

5 મહિનો પહેલા
  • કૉપી લિંક
  • એસાઇનમેન્ટની તૈયારીમાં બીજી માહિતીનો અભાવ રહી જાય છે, આ જ મનોભાર ક્યારેક ડિપ્રેશનમાં પરિણમે છે

હાલ પરિસ્થિતિ ખૂબ ગંભીર થતી જાય છે ત્યારે કોરોનાએ ભરડો લીધો છે અને સાથે સાથે વિદ્યાર્થીના પ્રશ્નો અને સમસ્યાઓ દિન પ્રતિદિન વધતી જોવા મળે છે. હાલ બધા લોકો હેરાન છે ત્યારે ઘણા લોકો અને માતાપિતા વિદ્યાર્થીને થતા સવાલ પ્રમાણે ડિમાન્ડ બદલાણી અને વાર્ષિક પરીક્ષા અભ્યાસ પદ્ધતિની માંગ કરી રહ્યા છે. કોવિડ 19ની મહામારીના કારણે સેમેસ્ટર પદ્ધતિની પરીક્ષા લેવામાં જે મુશ્કેલીઓ આવી છે ત્યારે ઘણા લોકોને વાર્ષિક પરીક્ષા પદ્ધતિની ઉપયોગિતા વિશે ચર્ચા કરતાં સાંભળ્યા છે. ત્યારે સૌરાષ્ટ્ર યુનિવર્સિટીના મનોવિજ્ઞાન ભવનના અધ્યક્ષ ડો.યોગેશ જોગસણના માર્ગદર્શન હેઠળ ડો.ડીમ્પલ રામાણી દ્વારા હાલની આ પરિસ્થિતિમાં કંઈ અભ્યાસ પદ્ધતિ વધુ શ્રેષ્ઠ હોય શકે તે જાણવાના હેતુથી 1880 લોકો પર સર્વે કરવામાં આવ્યો હતો, જેમાં ચોંકાવનારા તથ્યો સામે આવ્યા છે.

1880 લોકોને પૂછવામાં આવેલા સવાલો

પ્રશ્નઃ લોકોને પૂછવામાં આવ્યું કે હાલની પરિસ્થિતિમાં કંઈ પરીક્ષા અભ્યાસ પદ્ધતિ હોવી જોઈએ?
જવાબઃ 76.6% લોકોએ વાર્ષિક પરીક્ષા અભ્યાસ પદ્ધતિ અને 23.4 % લોકોએ સેમેસ્ટર પરીક્ષા અભ્યાસ પદ્ધતિ હોવી જોઈએ તેમ જણાવ્યું

પ્રશ્નઃ હાલની પરિસ્થિતિને ધ્યાનમાં રાખીને સેમેસ્ટર પરીક્ષા પદ્ધતિ જ યોગ્ય છે? તેમ તમે માનો છો?
જવાબઃ70.6% લોકો જણાવે છે ના હાલ આ સમય જોઇને વાર્ષિક પરીક્ષા અભ્યાસ પદ્ધતિનો ઉપયોગ કરવો જોઈએ અને 29.4% લોકો હા કહે છે.

પ્રશ્નઃ જ્યારે લોકોને પૂછવામાં આવ્યું કે તમારા મત મુજબ તમને વિદ્યાર્થીની ચિંતાને ધ્યાનમાં રાખીને કંઈ પરીક્ષા અભ્યાસ પદ્ધતિ વધુ યોગ્ય લાગે છે?
જવાબઃ 89.7% લોકોએ વાર્ષિક પરીક્ષા અભ્યાસ પદ્ધતિને વધુ મહત્વ આપવાનું જણાવે છે અને 10.3% લોકો સેમેસ્ટર પરીક્ષા અભ્યાસ પદ્ધતિને પ્રાધાન્ય આપે છે અને કહે છે કે હાલ પરિસ્થિતિ મુજબ તો વાર્ષિક પરીક્ષા અભ્યાસ પદ્ધતિ રાખી જ દેવી જોઈએ. જેથી વિદ્યાર્થીનું ભવિષ્ય બગડે નહિ.

પ્રશ્નઃ શું કોરોના મહામારી દરમિયાન વાર્ષિક પરીક્ષા અભ્યાસ પદ્ધતિનો હાલમાં સ્વીકાર કરી લેવો જોઈએ? તેમ માનો છો?
જવાબઃ લોકોના જણાવ્યા મુજબ 72.5% લોકો હા કહે છે અને 27.5% લોકો ના કહે છે.

પ્રશ્નઃ કોરોના મહામારી દરમિયાન શું તમારા મત મુજબ પરિણામની દ્રષ્ટીએ વાર્ષિક પરીક્ષા અભ્યાસ પદ્ધતિ ઉચિત છે?
જવાબઃ 67.4% લોકો હા જણાવે છે અને 32.6% લોકો ના કહે છે.

પ્રશ્નઃ શું તમારા મત પ્રમાણે સેમેસ્ટર પદ્ધતિ હોવાથી વિદ્યાર્થી સતત ચિંતા અને ભયમાં રહે છે? તેમ લાગે છે?
જવાબઃ લોકોના મત મુજબ 69.7% લોકો હા કહે છે અને જણાવે છે કે અત્યારના સમય પ્રમાણે વિદ્યાર્થીની માનસિક સ્થિતિ કથળી રહી છે. ત્યારે થોડું વિદ્યાર્થીના ભવિષ્યનું વિચારીને તટસ્થ નિર્ણય લેવો જરૂરી છે. જેથી વિદ્યાર્થીઓ બદલાતી પરિસ્થિતિ સાથે સંયોજન સાધી શકે અને 30.3% લોકો ના કહે છે અને જણાવે છે કે નાના બાળકોથી લઈને મોટા વિદ્યાર્થીઓને પણ બધાને માસ પ્રમોસન આપી દેવું જોઈએ.

પ્રશ્નઃ સતત મૂલ્યાંકન અને સેમેસ્ટર પરીક્ષા અભ્યાસ પદ્ધતિમાં સતત મોબાઈલને કારણે તમારું સંતાન કે તમે મનોભાર અનુભવો છો?
જવાબઃ જ્યારે કોરોના મહામારી વકરી છે ત્યારે આર્થિક પરિસ્થિતિ ખૂબ ખરાબ જણાય છે. જેમાં 72.7% લોકો હા કહે છે કે અમે અને અમારા સંતાનો ખૂબ મનોભાર અનુભવી રહ્યાં છીએ. કારણ કે હાલ નેટવર્ક પ્રોબ્લેમ ખૂબ જ થાય છે અને 600 રૂપિયા રિચાર્જ 3 મહિને પોસાતું નથી, બીજું કે જો અમારા સંતાનોને લેક્ચર ન ભર્યા હોય તો તે ટેન્શનમાં આવી જાય છે અને કહે છે કે મારે નથી ભણવું. હવે અમે કંટાળી ગયા છીએ અને 27.3% લોકો ના કહે છે અને જણાવે છે કે અમારા સંતાનો નહિ ભણે તો અમે માનશું કે અમે તેને ભણવા બે વર્ષ મોડા બેસાડ્યા હતા.

પ્રશ્નઃ તમારા મત મુજબ હાલની સ્થિતિ જોતા કઈ પરીક્ષા અભ્યાસ પદ્ધતિથી શિક્ષણનું સ્તર ઉન્નત થતું જોવા મળશે?
જવાબઃ 74.9% લોકો વાર્ષિક પરીક્ષા અભ્યાસ પદ્ધતિને પ્રાધાન્ય આપે છે, જ્યારે 25.1% લોકો સેમેસ્ટર પરીક્ષા અભ્યાસ પદ્ધતિ યથાવત રાખવા કહે છે.

પ્રશ્નઃ શું હાલની પરિસ્થિતિને ધ્યાનમાં રાખીને શાળાથી લઈને યુનિવર્સીટી એમ બધી જગ્યાએ વાર્ષિક પરીક્ષા અભ્યાસ પદ્ધતિ હોવી જોઈએ?
જવાબઃ લોકોના મંતવ્ય અનુસાર 69.8% લોકો હા કહે છે અને 30.2% લોકો ના કહે છે.

સર્વેના આધારે કેટલાક અગત્યના કારણો

  • ખૂબ મનોભાર અનુભવાય છે
  • ઘણા લોકોને હળવા પ્રકારનો મનોભાર અનુભવાય છે.
  • સતત તણાવ
  • આર્થિક દ્રષ્ટીએ પણ ખુબ મનોભાર લાગે છે.
  • સતત મનોભારને કારણે કુટુંબમાં માતા-પિતાનો કલેશ વધી જતા બાળકોને કલાસીસમાં મુકવા પડે છે જેથી બાળકોને શિક્ષણનો ભાર લાગવા લાગે છે.
  • વધારે બુક્સને કારણે બાળકોને બેગ ઉપાડવામાં મુશ્કેલી પડે છે જેથી ઘણા બાળકો શારીરિક રીતે નબળા પડતા જાય છે.
  • સતત મૂલ્યાંકન પદ્ધતિમાં ક્યારેક બાળકો વધુ કાર્યભારને કારણે સરખું જામી શકતા નથી અને તેની ઊંઘ પણ પૂરી થતી નથી જેથી બીમાર પડવાની શક્યતા વધી જાય છે.( આ સમસ્યા બાળકો સિવાય બીજા વિદ્યાર્થીઓની પણ છે )
  • જ્યારે બધું એકસાથે કરવાનું થાય છે ત્યારે ખુબ મુશ્કેલી પડે છે.
  • સતત મૂલ્યાંકનને કારણે વિદ્યાર્થીઓના જ્ઞાનમાં સતત વધારો થાય છે.
  • માનસિક ચિંતામાં રહેવાથી ઘણા આત્મહત્યા તરફ પ્રવર્તે છે.
  • નવું નવું શીખવા મળે.
  • ટેકનોલોજીનો ઉપયોગ કરતા શીખે છે
  • વારંવાર પરીક્ષા લેવાતી હોવાથી બધી જગ્યાએ પહોંચી શકાતું નથી માટે સ્ટ્રેસ ઉત્પન થાય છે જેની અસર ઘરના દરેક વ્યક્તિ પર જોવા મળે છે.
  • માતા-પિતા બાળકનું મૂલ્યાંકન તેની પરીક્ષામાં આવેલ માર્ક્સ પરથી કરે છે અને તેના કારણે સારું પરિણામ મેળવવા ઘણા માતા-પિતા બાળકો પર દબાણ કરે છે અને બાળકો વાલીઓના ગુસ્સાને કારણે ચિંતામાં રહે છે.
  • માનસિક અને શારીરિક થાક લાગવો.
  • એક સાથે બધી તૈયારી કરી શકતા નથી.
  • ઘણા લોકોના કહેવા મુજબ ઘણા વિદ્યાર્થીઓ ઓછો મનોભાર અનુભવે છે.
  • આર્થિક ભીંસ વધી જાય છે.
  • ઘરના લોકોને સમય ન રહેવાથી બાળકો પર ધ્યાન આપી શકતા નથી.
  • ઘરના સભ્યોને કામકાજમાં અવરોધ ઉત્પન થાય છે.
  • સતત પરીક્ષાનો ઘસારો
  • અસાઇન્મેન્ટની તૈયારીમાં બીજી માહિતીનો અભાવ રહી જાય છે. આ જ મનોભાર ક્યારેક ડિપ્રેશનમાં પરિણમે છે.
અન્ય સમાચારો પણ છે...