કાયમી:રાજકોટ જિલ્લામાં પાંચ વર્ષ બાદ 62 ગ્રામસેવકને ફિક્સમાંથી કાયમી કરાયા

રાજકોટ21 દિવસ પહેલા
  • કૉપી લિંક
  • 595 ગામડાં પૈકી માત્ર 134નું જ મહેકમ!

રાજકોટ જિલ્લાના ગામડાંઓમાં ખેતીવાડી વિભાગની યોજનાઓનો લાભ ગ્રામ્યસ્તરે પહોંચાડવામાં મુખ્ય ભૂમિકા ભજવનારા કુલ ગ્રામસેવકો પૈકી 62 ગ્રામસેવકને ફિક્સ ધોરણમાંથી કાયમી કરવામાં આવ્યા છે. રાજકોટ જિલ્લાના કુલ 595 ગામ સામે સત્તાવાર મહેકમ 134નું મંજૂર થયેલું હોઇ, સામે અંદાજે 74 ગ્રામસેવક જ ફરજ બજાવી રહ્યા છે.

ખેતીવાડી ખાતાના સૂત્રોએ જણાવ્યું હતું કે, હાલ રાજકોટ જિલ્લામાં ગ્રામસેવકોની સંખ્યા ખૂબ જ ઓછી છે. જિલ્લામાં જેટલા ગામડાંઓ છે તેની સામે ચોથા ભાગના ગ્રામસેવકોનું મહેકમ છે. હાલ એક ગ્રામસેવક પાસે દસથી બાર કે પંદર ગામના કામનું ભારણ રહે છે.

આ મહેકમ વર્ષો પહેલાનું છે, જેમાં કોઇ ફેરફાર થયો નથી. છેલ્લા પાંચ વર્ષથી ગ્રામસેવકોની ભરતી થઇ નથી છેલ્લે 2017માં ફિક્સ પગારથી ભરતી કરવામાં આવી હતી. રાજકોટ જિલ્લામાં ગ્રામસેવકો માટે વિભાગે એક મહત્ત્વનો નિર્ણય લેતા 62 ગ્રામસેવકને ફિક્સ પગારમાંથી કાયમી કરવાના ઓર્ડર કર્યા છે. જોકે, અમુક જિલ્લામાં આ પ્રકારના સત્તાવાર ઓર્ડર હજુ થયા નથી.

અન્ય સમાચારો પણ છે...