રજૂઆત:કાલાવડ રોડ પહોળો કરવા કપાત અંગે ડિસેમ્બરમાં હિયરિંગ

રાજકોટ શહેરમાં વેસ્ટ ઝોનની ઓળખ સમા કાલાવડ રોડને પહોળો કરવા માટે ઠરાવ કરવામાં આવ્યો છે અને તે માટે નોટિસ પણ પાઠવી છે જો કે તે માટે આશરે 7થી 8 મહિના બાદ ડિસેમ્બરમાં સુનાવણી કરવામાં આવશે. ટી. પી. ઓફિસર એમ. ડી. સાગઠિયાના જણાવ્યા અનુસાર કેકેવી ચોકથી શરૂ કરી મોટામવા ગામ સુધીનો કાલાવડ રોડ 30 મીટર પહોળો છે જેની પહોળાઈ વધારવા માટે ઠરાવ કરાયો છે. આ દરમિયાન જે મિલકતો કપાત થાય છે તેમને નોટિસ અપાઈ છે. હવે તેઓની કોઇ રજૂઆત હોય તેની સુનાવણી કરાશે. ડિસેમ્બર માસ સુધીમાં આ કામગીરી હાથ ધરાશે. રજૂઆતની તારીખ આવે ત્યારે અરજદારોએ રૂબરૂ લેખિતમાં પોતાની રજૂઆત મૂકતા હોય છે જો કે તારીખ પહેલા જ 17 અરજદારે રજૂઆત કરી દીધી છે.