સ્થાનિક સ્વરાજ્યની ચૂંટણી:નેતાઓની પત્નીને નહિ પણ મહિલા નેતાને ટિકિટ આપો

સ્થાનિક સ્વરાજ્યની ચૂંટણીમાં નેતાઓની પત્નીને નહીં પણ મહિલા નેતાને ટિકિટ મળે તે માટે સરદારધામના મહિલા આગેવાનોએ ભાજપ અને કોંગ્રેસ, આમ આદમી પાર્ટી, એનએસપીના પ્રદેશ પ્રમુખો, વડાપ્રધાન અને કેન્દ્રીય ગૃહમંત્રી, મુખ્યમંત્રીને ટ્વીટ કરી સશક્ત મહિલાઓને ટિકિટ આપવા માંગ કરી છે. સરદારધામના મહિલા આગેવાન શર્મિલાબેન બાંભણિયાએ ટ્વીટ કરી માગણી કરી છે કે, મહિલા કોર્પોરેટર તરીકે હોય અને વહીવટ તેમના પતિ જ કરતા હોય છે. આ બદલવાની જરૂર છે.

સ્થાનિક સ્વરાજ્યની ચૂંટણીમાં સશક્ત મહિલાઓને જ ઉમેદવાર તરીકે જાહેર કરવામાં આવે. આગેવાન કે કાર્યકરોની પત્નીને ટિકિટ ન અપાય એવી રાજકીય પાર્ટીના અધ્યક્ષો પાસે માંગ કરવામાં આવી છે. સક્ષમ મહિલાને જ ટિકિટ આપવી જોઈએ.