તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

સૌ.યુનિ.નો સ્ટડી કેસ:લોકોમાં સૌથી વધુ બે વિકૃતિ જોવા મળી, મોટી ઉંમરની વ્યક્તિના પ્રેમમાં પડી જાતીય સંબંધો બાંધવાના કિસ્સા વધ્યા

રાજકોટ7 દિવસ પહેલા
  • કૉપી લિંક
  • ગેરોન્ટોફિલિયા એ એવા લોકોમાં જોવા મળે છે જે પોતાના બાળપણમાં વૃદ્ધ મહિલાઓ અથવા પુરુષો દ્વારા હિંસાનો ભોગ બન્યા હોય

મનોવિજ્ઞાનમાં વિવિધ પ્રકારની જાતીય વિકૃતિનો ઉલ્લેખ કરવામાં આવ્યો છે. આ અંગે સૌરાષ્ટ્ર યુનિવર્સિટીના મનોવિજ્ઞાન ભવનના અધ્યક્ષ ડો.યોગેશ જોગસણ અને અધ્યાપક ડો.ધારા દોશી જણાવે છે કે, લોકોની અંદર સૌથી વધુ બે વિકૃતિ જોવા મળે છે. જેમાં પેડોફેલિક ડિસઓર્ડર અને ગેરેન્ટોફિલિયાનો સમાવેશ થાય છે. પેડોફેલિક ડિસઓર્ડરમાં વ્યક્તિ પોતાની ઉંમરથી નાની વ્યક્તિ ખાસ કરીને બાળક સાથે જાતિય વર્તન કરતું જોવા મળે છે. તેઓ બાળક તરફ વધુ આકર્ષણ અનુભવે છે. જ્યારે ગેરેન્ટોફિલિયામાં વ્યક્તિ પોતાનાથી ઉંમરમાં મોટી વ્યક્તિ ખાસ કરીને વૃદ્ધ વ્યક્તિના પ્રેમમાં પડી તેની સાથે જાતિય સંબધો સ્થાપિત કરે છે.

શું છે ગેરેન્ટોફિલિયા?
ડો.જોગસણ જણાવે છે કે, આ પ્રકારની વ્યક્તિને પોતાની ઉંમરની વ્યક્તિ તરફ કોઈ પ્રકારનું આકર્ષણ હોતું નથી. આ એક એવો ડિસઓર્ડર છે જેમાં વ્યક્તિ પોતાનાથી ઉંમરમાં બહુ મોટી વ્યક્તિ તરફ આકર્ષણ અનુભવે છે અને જાતિય સંબધો બાંધે છે. ગેરોન્ટોફિલિયા એ એવા લોકોમાં જોવા મળે છે જે પોતાના બાળપણમાં વૃદ્ધ મહિલાઓ અથવા પુરુષો દ્વારા હિંસાનો ભોગ બન્યા હોય. તેઓ તેમના માતા-પિતાથી પણ હતાશ અને નિરાશ હોય અને તેથી બાળક તરીકે તેમને વારંવાર માર મારવામાં આવ્યા હોય.

નાના પતિ, મોટી પત્ની
વધુમાં ડો.જોગસણ જણાવે છે કે, આપણે જે આક્રમણના સમયગાળામાંથી પસાર થઈ રહ્યા છીએ, જેમાં બધી જૂની માન્યતાઓ ઝડપથી વિપરીત થઈ રહી છે. આપણી સૌથી અગત્યની અને મૂળ સંસ્થા ‘લગ્ન જીવન’ છે, જેનું સ્વરૂપ પણ આજે ઝડપથી બદલાય રહ્યું છે. આજે લગ્ન સંબંધી ઘણી માન્યતાઓને નકારી કાઢવામાં આવી છે. તેની જગ્યાએ અનુકૂળતા અનુસાર નવા રિવાજો શરૂ થયા છે. આમાંની એક માન્યતા છે સ્ત્રી પતિ કરતા મોટી હોવી તે છે. તે બંનેને અનુકૂળ લાગે છે. તેના કારણો કેટલાક મનોવૈજ્ઞાનિક છે અને કેટલાક નવા યુગમાં ઉત્પન્ન કરવામાં આવ્યા છે.

કારકિર્દીને લઈને ખૂબ મહત્વાકાંક્ષી
આ અંગે ડો.ધારા દોશી જણાવે છે કે, આજના યુવક-યુવતીઓ બંને પોતાની કારકિર્દીને લઈને ખૂબ મહત્વાકાંક્ષી છે. તેમને કંઈક બનવાનો જુસ્સો રહે છે. તેના માટે સમય જરૂરી છે. પહેલા અભ્યાસ, પછી નોકરી, ત્યાં સુધીમાં ઘણી ઉંમર નીકળી જાય છે. છોકરીઓને સખત મહેનત, સમર્પણ, નિષ્ઠા અને પસંદગીને લીધે સારી નોકરી અને પ્રમોશન ઝડપથી મળે છે. અન્ય કારણો પણ હોય શકે છે, જેમ કે નૈતિકતાથી વ્યવહાર કરવો વગેરે. પછી પદના ગૌરવમાં, તે ઉચ્ચ નામના વહીવટી પદ પર ફરજ બજાવતા પતીની નીચે રહેવા માંગતી નથી.

એક સન્માનજનક જીવન આપે
ઉદાહરણ તરીકે અનિષા ચિનોય એક બહુ મોટા પ્રશાસનિક પદ પર કાર્યરત છે તે કહે છે કે હું લગ્ન કરીશ તો મારાથી નાની ઉંમરના વ્યક્તિ સાથે, જે મને કોઈ પણ પ્રકારના સવાલ-જવાબ ન કરતા મને એક સન્માનજનક જીવન આપે. ભલે તે મારા કરતા ઓછી કમાણી કરે, પણ મારા પર વર્ચસ્વ ન રાખે, કેમ કે તે મારાથી સહન થઈ શકશે નહીં. આજની કમાઉ, આત્મનિર્ભર, આત્મવિશ્વાસથી પૂર્ણ સ્ત્રીને રક્ષણની નહીં, પરંતુ જીવનસાથીની વધારે જરૂર છે, જે એક નાની ઉંમરનો યુવાન પતિ પૂરી પાડી શકે છે.

આજની ફેશનેબલ મહિલાઓની રોલ મોડેલ છે
વધુમાં ડો.દોશી જણાવે છે કે, એક હકીકત એ પણ છે કે છોકરીઓ બ્યુટીપાર્લરને કારણે પોતાની ઉંમરને ઓછી બતાવવા માટે સક્ષમ છે. તે સ્વાસ્થ્ય અને તંદુરસ્તી પ્રત્યે ખૂબ સભાન છે. સફેદ વાળ હવે કોઈ સમસ્યા નથી. લોરિયલ, ગાર્નિયર, ગોદરેજ અને બાયગોન વગેરેનો આભાર. રીંકલ ફ્રી ક્રીમ અને લોશન છે. વિવિધ પ્રકારની મેકઅપની પદ્ધતિઓ છે. શહનાઝ હુસેનને જુઓ, તેમની ઉંમર કોણ જણાવી શકે છે. એ જ રીતે હેમા માલિની, રેખા, શર્મિલા ટાગોર પર નજર નાખો, તેઓ પાંચમા દશકની ઉંમરે પણ ખૂબ આકર્ષક છે. તે આજની ફેશનેબલ મહિલાઓની રોલ મોડેલ છે.

પત્નીમાં માતાની છબી શોધવાનો પ્રયાસ કરે
ઉદાહરણ સ્વરૂપે ઉદિતા મોડેલિંગના ક્ષેત્રમાં છે. તે પોતે પણ બાડી ટૈપલના નામથી એક મોડેલિંગ સ્કૂલ પણ ચલાવે છે. જ્યારે રુદ્રાક્ષ મહાજન, જે તેની બહેનને મોડેલિંગની તાલીમ માટે મુકવા આવતો હતો, તેની સાથે પ્રેમ થયો હતો, ત્યારબાદ તેણે થોડા દિવસો પછી દસ વર્ષ મોટી ઉદિતા સાથે લગ્ન કર્યા. મધર ફિક્સેશનને લઇને મનોવૈજ્ઞાનિકોનો અભિપ્રાય છે કે પુરૂષોમા એક કોંમ્પલેક્સ હોય છે, જેના કારણે તે પત્નીમાં માતાની છબી શોધવાનો પ્રયાસ કરે છે.

પત્નીની માંગ આગમાં ઘી હોમવાનું કાર્ય કરે છે
વધુમાં ડો.દોશી જણાવે છે કે, ખરેખર, દરેક પુરૂષમાં ક્યાંક એક બાળક છુપાયેલું હોય છે, જે માતાની નિકટતાની ઝંખના કરે છે. મોટી ઉંમરની મહિલાઓ સાથે લગ્ન કરવા પાછળનું એક કારણ બાળપણમાં માતાના પ્રેમનો અભાવ પણ હોય શકે છે. આ એક એવી ઉણપ છે, જેને દરેક પુરૂષ નિષ્ઠાપૂર્વક પૂર્ણ કરવા માંગે છે. પોતાનો ગુસ્સો, અવાજ અને ક્રોધને જેમ એક માતા પોતાની મમતાથી શાંત કરે છે તે એવી પત્નીની માંગ કરે છે. એવી નહીં કે જે આગમાં ઘી હોમવાનું કાર્ય કરે છે.

વિવિધ પ્રકારના દબાણો હોય છે
વધુમાં ડો.જોગસણ જણાવે છે કે, ઉત્તેજક પ્રેમ અસ્થાયી હોય છે, જ્યારે ધીર-ગંભીર પ્રેમ કાયમી હોય છે. સમસ્યાઓનો સામનો કરવાની ઉંડી ભાવના ફક્ત વૃદ્ધ મહિલાઓમાં જ મળી શકે છે. તે જ પતિને વધુ સારો નૈતિક સપોર્ટ આપીને આંતરિક સુરક્ષા પ્રદાન કરી શકે છે. મોટી પત્ની સાથે પતિ જે આરામ અનુભવે છે તે નાની સ્ત્રી સાથે અનુભવતો ન હોય શકે, કારણ કે તેની સામે વિવિધ પ્રકારના દબાણો હોય છે.

કારણો

  • મોટી ઉંમરની સ્ત્રીઓ અને પુરૂષો પરિપક્વ અને અનુભવી છે. આથી તેઓ સારા સંબધો રાખી શકે, અને સંતુલિત વર્તન કરી શકે
  • નાનપણમાં મોટી ઉંમરની વ્યક્તિ તરફથી નફરત મળી હોય ત્યારે બદલો લેવાના ભાવ રૂપે
  • મોટી ઉંમરની વ્યક્તિ વધુ પરિપક્વ હોય તો જાતિય સંતોષ મેળવવા માટે
  • અસુરક્ષિત હોવાનો અનુભવ થતો હોય એ માટે
  • પોતાની ઉંમરની વ્યક્તિમાં રસ ન હોવો અને મોટી ઉંમરની વ્યક્તિ તરફ આકર્ષણ અનુભવવુ
  • નાનપણમાં જ્યારે વ્યક્તિને ખામીયુક્ત કે દોષપૂર્ણ શિક્ષણ મળ્યું હોય ત્યારે વ્યક્તિમાં આવા પ્રકારની જાતિય વિકૃતિ જોવા મળે છે.
  • જ્યારે વ્યક્તિ પોતાની ઉંમરની વ્યક્તિથી ભય અનુભવે અથવા ચિંતા અનુભવે તો આ વિકૃતિનો વિકાસ થાય છે. તેની ઇનસિક્યુરિટી આ વિકૃતિને પ્રોત્સાહન આપે છે.
  • જ્યારે સરખી ઉંમરની વ્યક્તિ વચ્ચે આંતર વૈયક્તિક સંઘર્ષ ઉતપન્ન થાય છે ત્યારે વ્યક્તિ મોટી ઉંમરની વ્યક્તિ ના પ્રેમમાં પડે છે.
  • વ્યક્તિને જ્યારે એવું લાગે કે તે પોતાની ઉંમરની વ્યક્તિને જાતીય સંતોષ નહિ આપી શકે તો તે વૃદ્ધ વ્યક્તિના પ્રેમમાં પડી તેની સાથે જાતીય સંબધો સ્થાપે છે.
અન્ય સમાચારો પણ છે...