કોરોના વાઇરસ:આરોગ્ય કેન્દ્રમાં 83 હજાર લોકોનું નિદાન, સારવાર

લોકડાઉનમાં અનેક દવાખાના બંધ હોવાથી મનપાના આરોગ્ય કેન્દ્રો આશીર્વાદરૂપ બન્યા છે. લોકડાઉન દરમિયાન 25 માર્ચથી આજ સુધીમાં 83 હજાર લોકોએ આરોગ્ય કેન્દ્રમાં સારવારનો લાભ લીધો હતો. આ ઉપરાંત 30000 જેટલા લોકોની લેબોરેટરી તપાસ કરવામાં આવી છે. જંગલેશ્વરમાં કાર્યરત પ્રણામી ચોક આરોગ્ય કેન્દ્રમાં ઓ.પી.ડી. ઉપરાંત ગાયનેકોલોજિસ્ટ, પીડિયાટ્રિક, મનોચિકિત્સક, ચામડીના રોગના નિષ્ણાત ડોક્ટરોની તેમજ ફિઝિશિયનની વિશેષ સેવાઓ આપવામાં આવી હતી. જેનો કુલ 8114 જેટલા વ્યક્તિએ લાભ લીધો હતો.