તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

રજૂઆત:PGVCLને મિનિ મેન્ટનન્સ ગેંગ ફાળવવા ઊર્જા વિભાગમાં માગણી

રાજકોટ8 મહિનો પહેલા
  • કૉપી લિંક
  • સાતત્યપૂર્ણ વીજળી પૂરી પાડવા મેન્ટનન્સ ગેંગ ફાળવવા માગણી કરી

વીજગ્રાહકોને સાતત્યપૂર્ણ વીજ પુરવઠો પૂરો પાડવા અને મેન્ટનન્સ કામગીરી નિયમિત કરવા માટે ગુજરાત વિદ્યુત ટેક્નિકલ કર્મચારી મંડળે પીજીવીસીએલને મિનિ મેન્ટનન્સ ગેંગની ફાળવણી કરવા ગુજરાત ઊર્જા વિકાસ નિગમ લિમિટેડને પત્ર લખી માગણી કરી છે. વીજકંપનીના ટેક્નિકલ કર્મચારીઓ પર કામનું ભારણ સતત વધી રહ્યું છે. તેમજ વધુ પડતા કાર્યબોજના કારણે વીજગ્રાહકોની વીજવિક્ષેપની ફરિયાદોનું તાત્કાલિક નિવારણ કરવામાં મુશ્કેલી પડે છે.

દરેક તાલુકા તથા મધ્યસ્થ વિસ્તારમાં સબ ડિવિઝન દીઠ મિનિ મેન્ટનન્સ ગેંગની ફાળવણી કરવામાં આવેે. તાલુકા અને સબ ડિવિઝનના વિસ્તારમાં મિનિ મેન્ટનન્સ ગેંગની ફાળવણી કરવાથી લાઈન નેટવર્કનું સમયસર સમારકામ થઇ શકે. આથી સબ ડિવિઝન વાઈઝ મિનિ મેન્ટનન્સ ગેંગની ફાળવણી કરવા કર્મચારી મંડળના સેક્રેટરી જનરલ રાજુભાઈ ખત્રીએ માગણી કરી છે.

અન્ય સમાચારો પણ છે...