કોરોના ઇફેક્ટ:વિદેશી કંપની ગુજરાતમાં આવવાથી ટેક્નોલોજીમાં લાભ થશે, રોજગારી વધશે : ચેમ્બર

વિદેશી કંપનીઓ વેપાર ઉદ્યોગ કરવા માટે ભારતમાં આવે તે માટે સમગ્ર ભારતમાં ગુજરાત સરકારે પહેલ કરી છે. આ પહેલથી વિદેશી કંપનીઓ ગુજરાતમાં આવશે તો તેનાથી ઉદ્યોગકારોને ફાયદો થશે. તેમ ચેમ્બર ઓફ કોમર્સે જણાવ્યું છે. આ પહેલથી જાપાન, યુએસ જેવી કંપનીની ટેક્નોલોજીનો લાભ ઉદ્યોગકારોને મળશે. ફોરેન ઈન્વેસ્ટમેન્ટ વધવાથી દેશનું અર્થતંત્ર પણ મજબૂત બનશે.

આ નવી કંપનીઓને આકર્ષવા માટે લેબર લોમાં ફેરફાર કર્યા છે. તે સારી વાત છે. તેનો લાભ જૂની કંપનીઓને પણ મળે જેથી કરીને એમ.એસ.એમ.ઈ. કંપનીઓને પણ જીવનદાન મળશે. વધુમાં લોકોને રોજગારી મળવાનો માર્ગ વધુ મોકળો બનશે. તે માટે લેબર લોમાં યુ.પી.સરકારે લીધેલા નિર્ણયને ગુજરાત સરકારે અમલીકરણ કરવું જોઇએ તેવા પ્રકારનું સૂચન ચેમ્બરે કર્યુ છે. આ નિર્ણયથી કામદારોને તેની કાર્યક્ષમતા મુજબનું વેતન મળશે અને જે કામદારો કામ નથી કરતા તેને છૂટા પણ કરી શકાય.તેમ અંતમાં ચેમ્બર ઓફ કોમર્સે જણાવ્યું છે.