આદેશ:યુવાનની હત્યા કરનાર આરોપીના જામીન રદ

નવા થોરાળાના કસ્તુરબા વાલ્મીકિવાસમાં રહેતા મહેશ ચૌહાણ નામના યુવાન પર આરોપી અજય નારોલાએ તા.10-6-2017ના હથિયારોથી હુમલો કરી હત્યા કરી હતી. બનાવ અંગે મૃતક યુવાનની પત્ની કાજલે ફરિયાદ નોંધાવી હતી. મૃતક યુવાનના ભાઇને આરોપી અજય નારોલાની પત્ની સાથે આડા સંબંધ હતા. જેને કારણે આરોપી અજય મૃતક યુવાન મહેશ સાથે ઝઘડો કરતો હતો. દરમિયાન તેનો ખાર રાખી આરોપી અજય નારોલાએ ત્રણ વર્ષ પૂર્વે હત્યા કરી હતી.  જેલહવાલે રહેલા આરોપીએ 60 દિવસના વચગાળા જામીન મેળવવા કોર્ટમાં અરજી કરી હતી. સરકારી વકીલની રજૂઆતને ધ્યાને રાખી કોર્ટે આરોપીના જામીન નામંજૂર કર્યા છે.