હડતાળનો પાંચમો દિવસ:રાજકોટમાં કાળા કપડાં પહેરી તબીબો હડતાળમાં વ્યસ્ત, દર્દીઓ હાલાકીથી ત્રસ્ત, ઓપીડીમાં લાંબી લાઈન, ઓપરેશનો અટકી પડ્યા

રાજકો4 મહિનો પહેલા
એક તરફ ડોક્ટરની હડતાળ અને બીજી તરફ ઓપીડીની લાઈનમાં દર્દીઓ. - Divya Bhaskar
એક તરફ ડોક્ટરની હડતાળ અને બીજી તરફ ઓપીડીની લાઈનમાં દર્દીઓ.
  • મોટાભાગના ગ્રામ્ય વિસ્તારમાંથી આવતા દર્દીઓ પરેશાન

રાજ્યભરમાં પડતર માગણીઓને લઇને સિનિયર ડોક્ટરો અચોક્કસ મુદ્દતની હડતાળ પર ઉતર્યા છે. આજે હડતાળનો પાંચમો દિવસ છે. જ્યાં એક તરફ કાળા કપડાં પહેરી તબીબો હડતાળમાં વ્યસ્ત છે તો બીજી તરફ હડતાળથી દર્દીઓને હાલાકી વધી છે. ડોક્ટરોની હડતાળને કારણે દર્દીઓને રઝળપાટ કરવો પડી રહ્યો છે.

હાલ જુનિયર ડોક્ટરો દ્વારા કામગીરી ચલાવવામાં આવી રહી છે.
હાલ જુનિયર ડોક્ટરો દ્વારા કામગીરી ચલાવવામાં આવી રહી છે.

દર્દીઓના ઓપરેશનો અટકી પડ્યા
ઓપીડી વિભાગમાં દર્દીઓની લાંબી લાઈન લાગી છે તો ઓર્થોપેડિક અને મેડિસીન વિભાગમાં દર્દીઓનો મેળાવડો જામ્યો છે. હડતાળને કારણે અનેક દર્દીઓના ઓપરેશનો અટકી પડ્યા છે. સમયસર ઓપરેશન ન થતા દર્દીઓની પીડામાં વધારો થયો છે. ગ્રામ્ય વિસ્તારોમાંથી મોટી સંખ્યામાં દર્દીઓ આવી રહ્યા છે. હાલ જુનિયર ડોક્ટરો દ્વારા કામગીરી ચલાવવામાં આવી રહી છે.

ડોક્ટરોની ચેમ્બર ખાલી જોઇ દર્દીઓને પરેશાની ભોગવવાનો વારો આવ્યો.
ડોક્ટરોની ચેમ્બર ખાલી જોઇ દર્દીઓને પરેશાની ભોગવવાનો વારો આવ્યો.

તબીબોની માંગણીઓ પૂર્ણ થઇ નથી
અગાઉ રૂપાણી સરકાર દ્વારા થયેલ સમજૂતી મુજબ તા.31-3-2022 સુધી તમામ માંગણીઓ પૂર્ણ કરવાનું વચન આપ્યું હતું. પરંતુ આજદિન સુધી કોઈ કામ થયું નથી. જેમાં કેન્દ્રના ધોરણે પરંપરા મુજબ તા.1-7-2017 થી 20 ટકા એનપીએ આપવું, એડહોક સેવા વિનિમિયત કરી ઉચ્ચ પગાર ધોરણ આપવું, પ્રમોશન કરવા, ઉચ્ચ પગાર ધોરણ સાથે નામાભિધાન કરવું, 15 ટકા સિનિયર ટયૂટરોને ત્રીજા ટીકુનો લાભ આપવો સહિતની માંગ પૂરી ન થતાં તમામ તબીબોએ આજથી અચોક્કસ મુદતની હડતાળનો નિર્ણય લીધો છે.