અકસ્માત:ભોજાધારના રત્નકલાકારનું અકસ્માતમાં મોત

ચાંપરારજપુર નજીક અકસ્માતમાં ઘવાયેલા ભોજાધારના રત્નકલાકારનું મોત નીપજ્યું હતું. જેતપુરના ભોજાધારમાં રહેતા જયસુખભાઇ વાઘાભાઇ મકવાણા (ઉ.વ.30) સરદારચોકમાં હીરા ઘસવાનું કામ કરવા ગયા હતા અને કામ પૂરું કરી બાઇકમાં પોતાના ઘરે જવા નીકળ્યા હતા અને ચાંપરાજપુર નજીક અન્ય એક બાઇક સાથે ટક્કર થઇ હતી. અકસ્માતમાં ઘવાયેલા યુવકને જૂનાગઢ બાદ રાજકોટ હોસ્પિટલમાં ખસેડવામાં આવ્યો હતો પરંતુ ટૂંકી સારવાર દરમિયાન તેનું મોત નીપજ્યું હતું. બનાવની જાણ થતાં પોલીસ દોડી ગઇ હતી. પોલીસસૂત્રોએ જણાવ્યું હતું કે, જયસુખભાઇ બે ભાઇ અને બે બહેનમાં નાનો અને અપરિણીત હતો. યુવાન પુત્રનાં મોતથી મકવાણા પરિવારમાં શોકનું મોજું ફરી વળ્યું હતું.