તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

સૌ.યુનિ.નો 1170 લોકો પર સર્વે:કોરોના પાછળ વ્યક્તિત્વ પણ જવાબદાર, આત્મવિશ્વાસનો અભાવ અને અચનાક મુશ્કેલી સામે ધૈર્ય ગુમાવનારા 63% લોકો સંક્રમિત થયા

રાજકોટ3 મહિનો પહેલા
  • કૉપી લિંક
તસવીર પ્રતિકાત્મક છે. - Divya Bhaskar
તસવીર પ્રતિકાત્મક છે.
  • વ્યક્તિનું વ્યક્તિત્વ અને પ્રકૃતિ પણ રોગ માટે જવાબદાર

કોરોના વાયરસની અલગ અલગ લોકો પર અલગ અલગ અસર થતી હોય છે. જેમાં કેટલાંક પરિબળો જેમ કે જાતિ, ઉંમર, ખોરાક તેમજ વર્તનભાત (વ્યક્તિત્વ પ્રકાર )પણ મહત્વનું પરિબળ રહ્યું છે. ત્યારે ટાઈપ એ અને ટાઈપ બી વર્તનભાત (વ્યક્તિત્વ પ્રકાર)માં સૌથી વધુ કોરોના કોને થયો તે અંગે સૌરાષ્ટ્ર યુનિવર્સિટીના મનોવિજ્ઞાન ભવ દ્વારા સર્વે કરવામાં આવ્યો છે. જેમાં 1170 લોકો સાથેની વાતચીત અને રૂબરૂ મુલાકાતના આધારે તેમના વ્યક્તિત્વના લક્ષણો જાણ્યા તો જાણવા મળ્યું કે, ટાઈપ એ વ્યક્તિત્વ ધરાવતા લોકોમાં કોરોના વધુ જોવા મળ્યો. આ ટાઈપમાં લોકો આત્મવિશ્વાસનો અભાવ અને અચાનક મુશ્કેલી સામે ધૈર્ય ગુમાવી દે છે.

ટાઈપ એ વ્યક્તિત્વના લક્ષણો
આ સર્વે પરથી કહી શકાય કે, અન્યની વાતમાં જલ્દીથી આવી જતા હોય, સ્પર્ધાત્મક વલણ વધુ ધરાવતા હોય, આત્મવિશ્વાસનો અભાવ હોય, લોકો સાથે મળવામાં સંકોચ અનુભવતા હોય, પોતાની વાત કે લાગણી અન્ય સાથે શેર ન કરી શકતા હોય, ઝડપથી કોઈ નિર્ણય ન લઈ શકતા હોય, અણગમતી વ્યક્તિ સામે આવી જતાં અસલામતીનો અનુભવ કરતા હોય, સતત ટેવરૂપ કે એકધારું વલણ ધરાવતાં, અચાનક કોઈ મુશ્કેલી સામે આવતા ધૈર્ય ગુમાવી બેસતા હોય તે લોકો કોરોનાનો સૌથી વધુ ભોગ બન્યા છે. જેને મનોવિજ્ઞાનમાં ટાઈપ એ વર્તનભાત એટલે કે, ટાઈપ એ વ્યક્તિત્વ પ્રકાર કહે છે.

સર્વેમાં લોકોને પૂછવામાં આવેલા પ્રશ્નો

1. શું તમે કોઈની વાતમાં જલ્દીથી આવી જાવ છો?
હા-
68%
ના- 22%
ક્યારેક- 10%

2. તમે ઉદાસીન રહો છો?
હા- 56%
ના- 27%
ક્યારેક- 17%

3. શું તમે કોઈને વિજેતા જોઈને ચિંતા અનુભવો છો?
હા- 78%
ના- 22%

4. કોઈ ખરાબ સમાચાર સાંભળીને ઉદાસી કે ચિંતા અનુભવો છો?
હા-
54%
ના- 26%
ક્યારેક- 20%

5. શું તમે કોઈ જગ્યાએ જવાનું હોય ત્યારે સમયસર પહોંચવાનું પસંદ કરો છો?
હા-
45%
ના- 55%

તસવીર પ્રતિકાત્મક છે.
તસવીર પ્રતિકાત્મક છે.

6. શું તમે તમારી જીવનની દરેક સમસ્યાઓ ગમતી વ્યક્તિને ખુલ્લા મનથી કહી શકો છો?
હા- 67%
ના- 33%

7. તમે અજાણ્યા વ્યક્તિ સાથે જલ્દી સમાયોજન સાધી શકો છો?
હા- 42%
ના- 58%

8. શું તમે કોઈને દુઃખી જોઈને દુઃખ અનુભવો છો કે પછી કોઈ ફર્ક પડતો નથી?
હા- 42%
ના- 58%

9. તમારા ભાઈ-બહેન કે મિત્રની સાથે સ્પર્ધા કરવી ગમે છે?
હા-
79%
ના- 21%

10. કેટલીક બાબતોમાં નિર્ણય ન કરી શકતાં હોય એવું ક્યારેય લાગે છે?
હા- 57%
ના- 43%

11. અણગમતી વ્યક્તિ સામેથી આવતી હોય તો તમે રસ્તો બદલી નાંખો છો?
હા- 59%
ના- 28%
ક્યારેક- 13%

12. કોઈને કોરોના થયાના સમાચાર સાંભળીને ભયનો અહેસાસ થતો હતો?
હા-
88%
ના- 12%

13. અચાનક આવી પડતી મુશ્કેલીમાં ધૈર્ય ગુમાવી બેસો છો?
હા- 69%
ના- 20%
ક્યારેક- 11%

ટાઈપ એ વ્યક્તિવ્ત ધરાવતા લોકો હળવામળવાનું ટાળે છે
ટાઇપ એ વ્યક્તિત્વ ધરાવતી વ્યક્તિ અન્ય વ્યક્તિ, પદાર્થો કે પ્રસંગોમાં આત્મવિશ્વાસનો અભાવ જોવા મળે છે. લોકો સાથે હળવામળવાનું તેઓ ટાળે છે. તેઓ વિચારશીલ અને સ્વકેન્દ્રી હોય છે. તેઓના નિર્ણયો અને વર્તનો બાહ્ય ઉદ્દીપકોની વસ્તુલક્ષી છાપને આધારે નહિ, પરંતુ બાહ્ય ઉદ્દીપકોના પોતે કરેલાં અર્થઘટનો કે પ્રત્યક્ષીકરણોને આધારે નક્કી થાય છે. તેઓના નિર્ણયો વ્યક્તિલક્ષી અનુભવ કે અંતરાત્માના અવાજ પર આધારિત હોય છે. તેમજ તેઓ વધારે પડતું સ્પર્ધાત્મક વલણ ધરાવતા હોય છે. તેઓ ગુસ્સે ઝડપથી થાય છે અને અણગમતી વ્યક્તિ સામે આવી જતા તે અસલામતી અનુભવતાં હોય છે. વર્તનનું આ પ્રકારનું વલણ એકધારું, સતતને ટેવરૂપ હોય છે.

સૌરાષ્ટ્ર યુનિવર્સિટીના મનોવિજ્ઞાન ભવને સર્વે કર્યો.
સૌરાષ્ટ્ર યુનિવર્સિટીના મનોવિજ્ઞાન ભવને સર્વે કર્યો.

ટાઈપ બી વ્યક્તિત્વ ધરાવતા લોકો મિલનસાર હોય છે
ટાઈપ બી વ્યક્તિત્વ ધરાવનાર વ્યક્તિને બાહ્ય ઘટનાઓ, પદાર્થો, વ્યક્તિઓ પ્રસંગોમાં વિશેષ રસ હોય છે. તેઓ વાતાવરણથી વધારે પ્રભાવિત થાય છે. તેઓ મિલનસાર અને અજાણ્યા વાતાવરણમાં પણ આત્મવિશ્વાસથી વર્તે છે. તેમને લોકો સાથે સંબંધો બાંધવા અને નિભાવવા ગમે છે. તેમના મોટાભાગનાં નિર્ણયો અને વર્તનો બાહ્ય વાતાવરણ, સંજોગો, વાસ્તવિકતા તથા વસ્તુલક્ષી હકીકતોને આધારે તેઓ નક્કી કરે છે. તેમના બધા જ અગત્યના નિર્ણયો પર ઝડપથી કાર્ય છે. તેમની રુચિઓ, મૂલ્યો અને મનોવલણો પણ બાહ્ય ભૌતિક વાતાવરણની વધુ અસર જોવા મળે છે.

માનવી સંપૂર્ણપણે ટાઈપ એ કે ટાઈપ બી વ્યક્તિત્વ ધરાવતો હોતો નથી
આમ છતાં કોઈ પણ માનવી સંપૂર્ણપણે ટાઈપ એ કે ટાઈપ બી વ્યક્તિત્વ ધરાવતો હોતો નથી. પરંતુ ઉભયમુખી હોય છે. દરેક વ્યક્તિમાં બંને પ્રકારનાં વલણો હોય છે. પહેલું પ્રગટ અને સભાન હોય છે જ્યારે બીજું અપ્રગટ અને અભાન હોય છે. પ્રગટ રીતે ટાઇપ બી વલણ ધરાવનાર માનવીના ‘વ્યક્તિગત અચેતન’માં ટાઈપ એ વલણના અંશો અને પ્રગટ રીતે ટાઈપ એ વ્યક્તિત્વ ધરાવનારના અચેતન મનમાં ટાઈપ બીના અંશો પડેલા હોય છે, જે વર્તનમાં વચ્ચે વચ્ચે પ્રગટ થઈ જતા હોય છે.

અન્ય સમાચારો પણ છે...