ક્રાઇમ:ગવરીદળમાં કબૂતરને હેરાન ન કરવા કહેતા ધારિયાથી હુમલો

મોરબી રોડ, ગવરીદળ ગામે રહેતા ભોલા રામભાઇ વાઘેલા નામના યુવાને નોંધાવેલી ફરિયાદ મુજબ, તેને કબૂતર પાળ્યા હોય પાડોશમાં રહેતા ધીરૂ ચકુ વાઘેલા અને તેનો પુત્ર કાનો અવારનવાર કબૂતરને પથ્થર મારી ઉડાડી હેરાન કરતા આ મુદ્દે સમજાવવા માટે ગયો હતો. જેથી ધીરૂભાઇ અને તેનો પુત્ર કાનો બંન્ને ઉશ્કેરાય જઇ ગાળો ભાંડી ધારિયાથી હુમલો કરી નાસી ગયા હતા. હુમલામાં માથા, હાથ અને કાનમાં ઇજા થઇ હોય સારવાર માટે હોસ્પિટલ ખસેડાયો હતો. કુવાડવા રોડ પોલીસે ફરિયાદ પરથી ગુનો નોંધી પિતા-પુત્રને પકડવા કાર્યવાહી કરી છે.