તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ક્રાઇમ:રાજકોટમાં ‘કાજુ બદામ ખાવાની તારી ઓકાત નથી’ કહી પરિણીતાને ત્રાસ , તબીબ નણંદ સહિત સાસરિયાઓ સામે ફરિયાદ નોંધાઇ

રાજકોટ3 મહિનો પહેલા
પ્રતીકાત્મક તસવીર.
  • નાની નાની વાતમા મહિલાનો પતિ અવારનવાર મારકૂટ કરતો હતો

રાજકોટના રૈયા રોડ પર રામેશ્વર પાર્કમાં માવતરના ઘરે રહેતા મૂળ ભુજના પૂજાબેન ગણાત્રાએ મહિલા પોલીસ સ્ટેશનમાં ફરિયાદ નોંધાવી છે. જેમાં પતિ પર્વ ગણાત્રા, સસરા રાજેશ ગણાત્રા, સાસુ ગીતાબેન ગણાત્રા અને નણંદ ડો. જાનવી ગણાત્રા આરોપી તરીકે નામ આપ્યાં છે.ફરિયાદમાં પરિણીતાએ જણાવ્યું છે કે, સાસરીચાઓ દ્વારા અવારનવાર કહેવામાં આવે છે કે, કાજુ-બદામ ખાવાની તારી ઓકાત નથી. આવું કહીં વારંવાર માનસિક ત્રાસ આપવામાં આવે છે.

તબીબ નણંદ કહેતી તને ઘરનું કામ આવડતું નથી
મહિલાએ ફરિયાદમાં જણાવ્યા મુજબ ગત માર્ચ 2020માં તેમના લગ્ન પર્વ ગણાત્રા સાથે થયા હતા. લગ્ન બાદ સતાળાની રસમ મુજબ પિયર જમવા જવાનું હોય છે. પરંતુ પતિ કે ઘરના અન્ય કોઇ સાથે ન આવતા મહિલા એકલી જમીને પરત સાસરે ગઇ ત્યારે તું એકલી જમતી આવી શરમ નથી આવતી તેમ કહી પતિએ ઝઘડો કર્યો હતો અને સાસુ તેમજ નણંદે ઘરનું કામ નથી આવડતું તને તારા ઘરના લોકોએ કંઇ શીખવાડ્યું નથી, તું પર્વને લાયક નથી. રસોઈ માટે કામવાળી રાખવી પડશે જેના પૈસા આપવા પડશે તેમ કહી માનસિક ત્રાસ આપવામાં આવતો હતો.

નાની નાની વાતમાં પતિ મારકૂટ કરતો હતો
બાદમાં નાની નાની વાતમા મહિલાના પતિ દ્વારા મારકૂટ કરવામાં આવતી હતી. ઘરમાં કશું ખાય તો તારી ઓકાત કાજુ-બદામ ખાવાની નથી તેમ કહી મેણા મારતા હતા અને લગ્નનો ખર્ચ આપી દે એટલે તને છુટાછેડા આપી દઇશ. દીકરાના બીજા લગ્ન કરાવી દઇશ તેવું કહી સસરા પણ માનસિક ટોર્ચર કરતા હતા. મારા બેનના લગ્ન થવા નહીં દઇ તને પણ છૂટાછેડા અપાવી દઇશ તેવું વારંવાર કહી દવા લેવા રાજકોટ આવવા ન દેતા માતા પિતા 28 ફેબ્રુઆરી 2021ના રોજ તેડી ગયા હતા. બાદમાં સમાધાન કે કશું કર્યુ નથી અને અવારનવાર માનસિક ત્રાસ આપતા મહિલા પોલીસ સ્ટેશનમાં ફરિયાદ આપતા પોલીસે ફરિયાદ નોંધી કાયદેસરની કાર્યવાહી હાથ ધરી છે.

અન્ય સમાચારો પણ છે...