તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

શરમજનક ઘટના:રાજકોટમાં પત્ની રિસામણે જતા સગા બાપે 15 વર્ષની દીકરી પર દુષ્કર્મ આચર્યુ, આરોપીનું ભૂલ થઇ ગયાનું રટણ

રાજકોટ13 દિવસ પહેલા
પ્રતીકાત્મક તસવીર.
  • 10 દિવસ પહેલા દારૂ ઢીંચી પત્ની સાથે માથાકૂટ અને મારામારી કરી હતી
  • દુષ્કર્મ આચર્યા બાદ કોઇને વાત કરીશ તો મારી નાંખીશ તેવી ધમકી આપી

કળિયુગમાં સગા બાપે 15 વર્ષની દીકરી પર હેવાનિયર આચરી હોવાનો બનાવ રાજકોટમાં બન્યો છે. પત્ની રિસામણે હોવાથી નરાધામ બાપે દીકરી પર દુષ્કર્મ આચર્યુ હતું. આ અંગે દીકરીએ તાલુકા પોલીસ સ્ટેશનમાં ફરિયાદ નોંધાવતા આરોપી પિતાની ધરપકડ કરી લેવામાં આવી છે. આરોપી પિતાએ પોલીસ સમક્ષ એક જ રણ કર્યુ હતું કે, મારાથી ભૂલ થઇ ગઇ.

હળાહળ કળિયુગની ઝાંખી કરાવતી અને માનવતાને શર્મસાર કરતી ઘટના રાજકોટમાં બની છે. શેતાનને પણ શરમ આવે તેવું કૃત્ય સગાબાપે કર્યું છે, 15 વર્ષની સગીપુત્રી પર રાત્રીના 5 કલાકમાં 3 વખત દુષ્કર્મ આચરી નરાધમે પશુથી પણ વધુ ઘાતકી કૃત્ય આચર્યું હતું. પોલીસે નરાધમને સકંજામાં લઇને તેની આગવીઢબે સરભરા કરી હતી.

સગીરાએ ફરિયાદમાં જણાવ્યું હતું કે, પોતે બે બહેન અને એક ભાઇમાં મોટી છે, તેના માતાપિતા વચ્ચે અવાર નવાર ઝઘડા થતા હતા, 20 દિવસ પૂર્વે પિતાના ત્રાસથી કંટાળી માતા પિયર જતી રહી હતી અને પોતે પણ માતાની સાથે ગઇ હતી, પરંતુ સાત દિવસ પૂર્વે કપડાં લેવા માટે પિતાના ઘરે આવી ત્યારે પિતાએ ઘરકામમાં મુશ્કેલી થતી હોવાનું કહી રોકાવાનું કહેતા પોતે રોકાઇ ગઇ હતી.

ગત તા.3ના રાત્રીના 8.30 વાગ્યે તેના પિતા ઘરે આવ્યા હતા અને પોતાની બંને પુત્રી અને પુત્રને ગાળો ભાંડવા લાગ્યા હતા, રાત્રે 11 વાગ્યે ત્રણેય ભાઇ બહેને ટીવી જોતા હતા ત્યારે પિતાએ ટીવી બંધ કરી દીધું હતું અને નાની પુત્રી અને પુત્રને સુવડાવી દીધા હતા, ત્યારબાદ 15 વર્ષની પુત્રી સાથે બીભત્સ વાતો કરવા લાગ્યો હતો, પિતાની વાતો સાંભળી સગીરા ગભરાઇ ગઇ હતી અને અજુગતું લાગતાં જ દોડીને સગીરા બાથરૂમમાં ઘૂસી ગઇ હતી અને અંદરથી બારણું બંધ કરી દીધું હતું. પિતાએ ભૂલ થઇ ગઇ આવી વાતો નહીં કરું તેમ કહેતા સગીરાએ પંદર મિનિટ બાદ બારણું ખોલ્યું હતું, બારણું ખોલતા જ નરાધમે પુત્રીનો હાથ પકડી તેને ઢસડી હતી, સગીરાએ બૂમાબૂમ કરતા તેના બંને ભાઇ બહેન જાગી ગયા હતા, પરંતુ નરાધમોએ બંને સંતાનોને ગાળો દઇ મારવાની ધમકી આપી સુવડાવી દીધા હતા અને મોટી પુત્રીને ઢસડીને રૂમમાં લઇ જઇ પલંગ પર સુવડાવી તેના પર દુષ્કર્મ આચર્યું હતું.

નરાધમ પિતાની હેવાનિયતનો ભોગ બનેલી સગીરા રડવા લાગતાં તેને પણ મારવાની ધમકી આપી ચુપ રહેવાનું કહેતા સગીરા તેના ભાઇ બહેન પાસે જઇ ચાદર ઓઢી સુવાનો ઢોંગ કરવા લાગી હતી. રાત્રીના 1 વાગ્યે ફરીથી હેવાનિયતનો કીડો સળવળ્યો હતો અને રિક્ષાચાલક પિતાએ ફરીથી પુત્રીને ખેંચી હતી, સગીરા ચીંસો પાડવા લાગતા તેના ભાઇ બહેન જાગી ગયા હતા તો તેને ફરીથી માર મારવાની ધમકી આપી ચાદર ઓઢીને સૂઇ જવાનું કહ્યું હતું અને સગીરાને રૂમમાં ઢસડી જઇ ફરીથી તેના પર શારીરિક અત્યાચાર આચર્યો હતો.

બીજી વખત દુષ્કર્મ કર્યા બાદ નરાધમે કહ્યું હતું કે, ચુપચાપ સૂઇ જજે નહીંતર મારી નાખીશ, પિતાના અત્યાચારથી સમસમી અને ડરી ગયેલી સગીરાને નીંદર આવતી નહોતી અને પિતા ફરીથી હેવાનિયત નહીં આચરેને? તેવા વિચારો સાથે ચાદર ઓઢીને મૂંગા મોઢે રડતી હતી ત્યારે રાત્રીના 4.30 વાગ્યે ફરીથી ચાદર ઊંચી કરી સગીરાના શરીર પર હાથ ફેરવવા લાગ્યો હતો અને વધુ એક વખત દુષ્કર્મ આચર્યું હતું, આ વખતે નરાધમે ટીવી ચાલુ કરી ટીવીનું વોલ્યૂમ વધારી દીધું હતું. સગીરા રાડો પાડતી હતી પરંતુ ટીવીના અવાજમાં તેનો અવાજ દબાઇ ગયો હતો, સગીરાએ આખીરાત ફફડતી હાલતમાં કાઢી હતી.

સગીરા ઘરકામ કરતી હોય બીજા દિવસે સવારે 8.30 વાગ્યે તેને રિક્ષામાં બેસાડી તે જે ઘરે કામ કરતી હતી ત્યાં છોડી આવ્યો હતો. આખીરાત બનેલી ઘટનાથી ડરી ગયેલી સગીરાએ જ્યાં ઘરકામ માટે ગઇ હતી તે શેઠાણીને આપવીતી વર્ણવી તેની માતાને ફોન કરી ઘટનાની જાણ કરી હતી, માતાએ પોતાની પાસે આવી જવાનું કહેતા સગીરાએ શેઠાણી પાસેથી રિક્ષાના પૈસા લીધા હતા અને તે માતા પાસે પહોંચી હતી, ત્યારબાદ સગીરા તેની માતા સાથે પોલીસ સ્ટેશને પહોંચી હતી.

પોલીસે હવસખોર પિતાની ધરપકડ કરી કાયદાનું ભાન કરાવ્યું
આ ઘટનામાં તાલુકા પોલીસે આવાસ યોજના ક્‍વાર્ટર વિસ્‍તારમાં રહેતી સગીર વયની પુત્રીની ફરિયાદ પરથી તેણીના સગા બાપ સામે IPC 376 (3), 376 (2) (N), 323, 504, 506 (2) તથા પોક્‍સો એક્‍ટની કલમ-6 મુજબ ગુનો નોંધી ગણતરીની કલાકોમાં હવસખોર બાપની ધરપકડ કરી કાયદાનું ભાન કરાવી વધુ તપાસ માટે મહિલા પોલીસ મથકની ટીમને ગુનો સોંપ્‍યો છે.

હવસખોર પિતાને બે સંતાન, રિક્ષા ડ્રાઇવિંગ કરે છે
સગીરા સાથે આ ઘટના શનિવારની રાતે બની હતી. પોલીસ સુત્રોમાંથી મળતી માહિતી મુજબ હવસખોર આરોપીને બે સંતાન છે. પોતે રિક્ષા ડ્રાઇવિંગ કરે છે. આઠ-દસ દિવસ પહેલા તેણે પત્‍ની સાથે દારૂ ઢીંચી હાલતમાં માથાકુટ કરી મારામારી કરી લીધી હોવાથી જે તે દિવસે તેના વિરૂદ્ધ પત્‍નીને મહિલા પોલીસ સ્‍ટેશનમાં અરજી આપી હતી અને એ પછી પોતે સગીર દીકરીને લઇ રાજકોટમાં જ રહેતા પોતાના માતવરના ઘરે જતી રહી હતી. જ્‍યારે દિકરો તેના પિતા અને દાદાના ઘરે હતો.

દીકરી ઉંઘી રહી હતી ત્‍યારે અચાનક જ પિતાએ અડપલા શરૂ કર્યા
પત્‍ની દીકરીને લઇને તેને માવતરે જતી રહેતાં ઘરમાં કોઇ કામ કરે તેમ ન હોવાથી પિતા પોતે જ 15 વર્ષની દીકરીને પોતાની પત્‍ની પાસેથી તેડી લાવ્‍યો હતો. એ પછી દીકરી પિતાના ઘરે રોકાય હતી. શનિવારે રાતે દીકરી ઉંઘી રહી હતી ત્‍યારે અચાનક જ તેની સાથે અડપલા શરૂ થતાં તે હેબતાયને જાગી ગઇ હતી. આંખ ઉઘડતાં સામે બીજુ કોઇ નહીં પણ સગો બાપ વાસનાંધ બનીને જોવા મળ્‍યો હતો. બાપનો ઇરાદો પારખી ગયેલી દીકરીએ દેકારો મચાવતાં બાપે તેની મારકૂટ કરી હતી અને બળજબરી આચરી દુષ્કર્મ ગુજાર્યુ હતું. હવસખોરી આચરી લીધા પછી કોઇને વાત કરીશ તો મારી નાંખીશ તેવી ધમકી આપી હતી.

રાજકોટ તાલુકા પોલીસે તપાસ હાથ ધરી (ફાઇલ તસવીર).
રાજકોટ તાલુકા પોલીસે તપાસ હાથ ધરી (ફાઇલ તસવીર).

દીકરી તક મળતાં પોતાની માતા પાસે પહોંચી હતી
સગા બાપે આચરેલી હવસખોરીથી દીકરી હતપ્રભ થઇ ગઇ હતી અને આઘાતમાં ગરક થઇ ગઇ હતી. દરમિયાન દીકરી ગઇકાલે રવિવારે પડોશમાં રહેતાં બહેનને ત્‍યાં ઘરકામે ગઇ હતી અને ત્‍યાંથી તક મળતાં પોતાની માતાને ફોન કરી રાતે પોતાની સાથે જે બન્‍યું તેની જાણ કરતાં માતાએ તેને પોતાની પાસે આવી જવા કહેતાં માતા પાસે પહોંચી હતી. એ પછી 181 બોલાવી કાઉન્‍સેલિંગ કરવામાં આવ્‍યું હતું અને પુત્રીએ ચોંકાવનારી વિગતો જણાવી હતી. વાત તાલુકા પોલીસ મથક સુધી પહોંચતાં PI જે.વી. ધોળાની રાહબરીમાં PSI મોરવાડીયા અને ભરતભાઇ વનાણી, હરદેવસિંહે તાકીદે સમગ્ર વિગતો જાણી ગુનો દાખલ કરાવ્‍યો હતો અને તપાસ માટે ફરિયાદ મહિલા પોલીસ સ્‍ટેશનમાં મોકલતાં હવસખોર આરોપીની ધરપકડ કરી લીધી હતી.

હવસખોર બાપ નશાની આદત ધરાવે છે
તાલુકા પોલીસ પાસે સગીરા અને તેના માતા સગીરા પર સગા બાપે દુષ્કર્મ ગુજાર્યાની ફરિયાદ સાથે પહોંચતાં ઘડીભર તો પોલીસ અધિકારીઓ પણ ચોંકી ગયા હતાં. પરંતુ ગંભીર ઘટનામાં પળનો પણ વિલંબ કર્યા વગર તુરંત FIR દાખલ કરાવવા તજવીજ હાથ ધરી હતી અને આરોપી બાપને ધરપકડ કરી લીધી હતી. પ્રાથમિક પુછતાછમાં તેણે પોતાનાથી ભુલ થઇ ગયાનું ગાણું ગાયું હતું. નશાની ટેવ ધરાવતાં આ શખ્‍સના આવા કૃત્‍ય પર ફિટકાર વરસી રહ્યો છે.

નફ્ફટની કબૂલાત, જે થવાનું હતું તે થઇ ગયું
આખીરાત પુત્રી પર અત્યાચાર ગુજારનાર નરાધમે વહેલી સવારે પુત્રીને વાકચાતુર્યમાં ફસાવી પોતાના પાપ પર પડદો પાડવાની કોશિશ કરી હતી, પુત્રીને કહ્યું હતું કે, જે થવાનું હતું તે થઇ ગયું કોઇને કહેતી નહીં, આબરૂ જશે, પરંતુ સગીરાએ હિમ્મત દાખવીને સમગ્ર ઘટના તેની માતાને કહી દીધી હતી. પોલીસે આરોપીની ધરપકડ કરી ત્યારે પણ એ નરાધમના ચહેરા પર સહેજ પણ લાજ-શરમ કે પશ્ચાતાપ નહોતો, તેણે કહ્યું હતું કે, હા જે થવાનું હતું તે થઇ ગયું.

દુષ્કર્મ બાદ માફી માગવાનો ઢોંગ કર્યો
તા.3ના રાત્રીના સગી પુત્રી પર 5 કલાકમાં 3 વખત દુષ્કર્મ આચર્યા બાદ નરાધમે ઢોંગ શરૂ કર્યો હતો. વહેલી સવારે 6.30 વાગ્યે પુત્રી પાસે જઇને તેની સામે રડવા લાગ્યો હતો અને બે હાથજોડી માફી માગી હતી, અને આ અંગે કોઇને નહીં કહેવા અને આબરૂ જવાનો ભય બતાવી પોતાની હેવાનિયત છુપાવવા ઢોંગ કર્યો હતો.

પુત્રી સતત પ્રતિકાર કરતી રહી, પિતા આખીરાત અત્યાચાર આચરતો રહ્યો
​​​​​​​પિતાની ખરાબ નજર પારખી ગયેલી સગીરા બાથરૂમમાં પૂરાઇ ગઇ હતી, પિતાએ હવે ખરાબ વાત નહીં કરે તેવી ખાતરી આપતા સગીરાએ બારણું ખોલ્યું હતું તે સાથે જ તેનું બાવડું પકડી ઢસડવા લાગ્યો હતો, સગીરાએ પ્રતિકાર કરી ધક્કો મારતા નરાધમ પિતા દીવાલ સાથે અથડાયો હતો પરંતુ હેવાન બનેલો પિતા ત્યાંથી અટક્યો નહોતો અને પુત્રીને ઢસડીને સેટી પર લઇ જઇ દુષ્કર્મ આચર્યુ હતું. સગીરા ચીંસો પાડતી હતી, રડતી હતી, બે હાથજોડીને કાકલૂદી કરતી હતી પરંતુ નરાધમ પર તેની કોઇ અસર થતી નહોતી અને તે દેહ ચૂંથતો હતો.

અન્ય સમાચારો પણ છે...

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે માર્કેટિંગ કે મીડિયાને લગતી કોઇપણ મહત્ત્વપૂર્ણ જાણકારી મળી શકે છે, જે તમારી આર્થિક સ્થિતિ માટે ખૂબ જ ઉપયોગી સાબિત થશે. કોઇપણ ફોન કોલને ઇગ્નોર ન કરો. તમારા મોટાભાગના કામ સહજ અને આરામદાયક ...

વધુ વાંચો