ક્રાઇમ:પાર્ટી પ્લોટમાં ચાલતી જુગાર ક્લબ પર દરોડો

શહેરના દોઢસો ફૂટ રિંગ રોડ પર આવેલા ગોલ્ડન પાર્ટી પ્લોટમાં જુગાર ક્લબ ચાલતી હોવાની માહિતીના આધારે પીએસઆઇ સાખરા સહિતના સ્ટાફે દરોડો પાડ્યો હતો. દરોડા દરમિયાન પાર્ટી પ્લોટના માલિક જેન્તી પીપળિયા ઉપરાંત ભરત રાદડિયા, ભાવિકસિંહ ડોડિયા, હરેશ પીપળિયા, વિક્રમ કારેથા, બકા વરૂ, અશ્વિન જયદેવભાઇ ડોડિયા, મનસુખ બાલાભાઇ બારિયાને તીનપત્તીનો જુગાર રમતા પકડી પાડ્યા હતા. પોલીસે જુગારના પટમાંથી રૂ.74,800ની રોકડ કબજે કરી કાર્યવાહી કરી છે.