ક્રાઇમ:શાપરમાં જાદવ ગેંગનો શખ્સ તમંચા સાથે પકડાયો

શાપરમાં આવેલા શીતળામાતાના મંદિર પાસે એક શખ્સ ગેરકાયદેસર હથિયાર સાથે ઊભો હોવાની માહિતીના આધારે પીએસઆઇ કુલદીપસિંહ ગોહિલ સહિતના સ્ટાફે વોચ ગોઠવી શાપરના જ બેડકરનગરમાં રહેતા શહેજાદ યુસુફ હિંગોરા નામના શખ્સને તમંચા સાથે પકડી પાડ્યો હતો. બાદમાં પોલીસમથક લઇ જવાયેલા શહેજાદની પૂછપરછમાં તે થોડા સમય પહેલા જેની હત્યા થઇ તે નામચીન મિતેશ જાદવની ગેંગનો સાગરીત હોવાનું અને મિતેશે હથિયાર આપ્યાની કબૂલાત આપી હતી.