અગનજ્વાળા ભભૂકી:ગોંડલમાં પાનની દુકાનમાં આગ લાગી, પાન અને સિગારેટનો મોટો જથ્થો બળીને ખાખ, ફાયરબ્રિગેડની ટીમે આગ પર કાબુ મેળવ્યો

રાજકોટ10 દિવસ પહેલા
  • કૉપી લિંક
પાનની બંધ દુકાનમાં આગ ભભૂકી - Divya Bhaskar
પાનની બંધ દુકાનમાં આગ ભભૂકી
  • ગોંડલ ફાયર સ્ટેશન બંધ હોવાથી રાજકોટ ફાયરબ્રિગેડની ટીમ ઘટના સ્થળે પહોંચી હતી

ગોંડલમાં પાનની બંધ દુકાનમાં રાત્રિના અચાનક આગ ભભૂકી ઊઠી હતી. મોડી રાત્રીના દુકાનમાંથી ધુમાડા નિકળતા હતા. જેને પગલે ફાયરબ્રિગેડનો સ્ટાફ ઘટના સ્થળે દોડી ગયો હતો. અને પાણીનો મારો ચલાવી આગ બુઝાવી હતી. આ ભીષણ આગમાં પાન, બીડી, અને સિગારેટનો મોટો જથ્થો બળીને ખાખ થઈ જતા લાખોનું નુકસાન થવા પામ્યું હોવાનું સામે આવ્યું છે.

પાન, બીડી, અને સિગારેટનો મોટો જથ્થો બળીને ખાખ
પાન, બીડી, અને સિગારેટનો મોટો જથ્થો બળીને ખાખ
લાખોનું નુકસાન થવા પામ્યું હોવાનું સામે આવ્યું
લાખોનું નુકસાન થવા પામ્યું હોવાનું સામે આવ્યું

આગ લાગ્યાનું કારણ અકબંધ
ગોંડલના કૈલાશ બાગ રોડ પર આવેલ બાલકૃષ્ણ એજન્સી નામની દુકાનમાં આગ લાગી હતી. જેને પગલે સ્થાનિકો દ્વારા ગોંડલ ફાયરબ્રિગેડનો સંપર્ક કરવામાં આવ્યો હતો. પરંતુ ગોંડલ ફાયર સ્ટેશન બંધ હોવાથી રાજકોટ ફાયરબ્રિગેડની ટીમ ઘટના સ્થળે પહોંચી હતી અને આગ પર કાબુ મેળવ્યો હતો. ઉલ્લેખનીય છે કે આગ ક્યા કારણોસર લાગી તે હજુ સુધી જાણી શકાયું નથી.

રાજકોટ ફાયરબ્રિગેડની ટીમ ઘટના સ્થળે પહોંચી હતી
રાજકોટ ફાયરબ્રિગેડની ટીમ ઘટના સ્થળે પહોંચી હતી
ગોંડલ ફાયર સ્ટેશન બંધ હોવાથી રાજકોટ ફાયરબ્રિગેડની ટીમ પહોંચી
ગોંડલ ફાયર સ્ટેશન બંધ હોવાથી રાજકોટ ફાયરબ્રિગેડની ટીમ પહોંચી

લોકોના ટોળાં ઘટના સ્થળે એકઠા થયા
આગે પળવારમાં જ વિકરાળ સ્વરૂપ ધારણ કરી લીધુ હતું. જેથી દૂર-દૂર સુધી આગના લબકારા દેખાતા લોકોના ટોળાં ઘટના સ્થળે એકઠા થઇ ગયા હતા.આજુ બાજુમાં આવેલી બીજી દુકાનો પણ આગની લપેટમાં આવે તેવી સ્થિતિ સર્જાઇ હતી. પરંતુ ફાયરબ્રિગેડની ત્વરીત કામગીરીથી અન્ય દુકાનો બચી ગઇ હતી.

(દેવાંગ ભોજાણી, ગોંડલ)