ભાસ્કર એક્સક્લુઝિવ:619 વીજગ્રાહકે 1 વર્ષ સુધી 5 દી’માં બિલ ભર્યું, PGVCL સન્માન કરશે

રાજકોટએક મહિનો પહેલા
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • મંત્રી અને એમડીની ઉપસ્થિતિમાં પીજીવીસીએલ 619 ગ્રાહકનું ઘેર જઈ સન્માન કરશે : અન્ય ગ્રાહકોમાં જાગૃતિ લાવવા પ્રયાસ

પશ્ચિમ ગુજરાત વીજકંપની લિમિટેડ પાવરચોરી કરનારા વીજગ્રાહકો સામે કડક પગલાં લઈને દંડ ફટકારી રહી છે પરંતુ વીજકંપનીના કેટલાક પ્રામાણિક અને નિયમિત વીજગ્રાહકોનું સન્માન પણ કરશે. પીજીવીસીએલમાં રાજકોટ સહિત સૌરાષ્ટ્રભરમાં 619 વીજગ્રાહક એવા છે તેમણે પોતાનું વીજબિલ ઈશ્યૂ થયાના 5 જ દિવસની અંદર ભરપાઈ કરી દીધું હોય.

પીજીવીસીએલ આવા નિયમિત ગ્રાહકોનું આગામી દિવસોમાં સન્માન કરવા જઈ રહી છે. મંત્રીની ઉપસ્થિતિ રહેવા અંગેની તારીખ ફાઈનલ થયા બાદ સમગ્ર કાર્યક્રમની રૂપરેખા નક્કી થશે. આઝાદી કા અમૃત મહોત્સવ અંતર્ગત જ 619 વીજગ્રાહકના ઘેર ઘેર જઈને તેમનું સન્માન કરાશે. આ સન્માન કરવા મંત્રી અને પીજીવીસીએલના એમ.ડી. પણ ઉપસ્થિત રહેશે.

પીજીવીસીએલના મેનેજિંગ ડિરેક્ટર વરુણકુમાર બરનવાલે જણાવ્યું હતું કે, વીજબિલ ભરવામાં નિયમિતતા દાખવનાર વીજગ્રાહકોના ઘેર જઈને તેમનું સન્માન કરાશે. આવા ગ્રાહકોને પ્રોત્સાહન મળે અને બીજા અનેક ગ્રાહકોમાં પણ આ મુદ્દે જાગૃતિ કેળવવા આ પ્રકારના કાર્યક્રમનું આયોજન કર્યું છે. મંત્રી ખાસ ઉપસ્થિત રહેવાના છે એટલે એમની તારીખ ફાઈનલ થયા બાદ સમગ્ર કાર્યક્રમની જાહેરાત કરાશે. 619 ગ્રાહક પોતાના ઘર કે દુકાનનું વીજબિલ મળ્યાના 5 જ દિવસમાં ભરપાઈ કરી દે છે, આવું ન માત્ર એક-બે મહિના નહીં પરંતુ એક વર્ષથી ભરે છે એવા ગ્રાહકોનું સન્માન કરાશે.

સતત એક વર્ષ સુધી બિલ આવ્યાના 5 દિવસમાં ભરપાઈ કરી દેતા કુલ 619 ગ્રાહકમાં અમરેલીના 13, અંજારના 10, ભાવનગરના 72, બોટાદના 9, જામનગરના 63, જૂનાગઢના 42, કચ્છના 38, મોરબીના 22, પોરબંદરના 13, રાજકોટ શહેરના 106, રાજકોટ-2ના 221, સુરેન્દ્રનગરના 10 ગ્રાહકનો સમાવેશ થાય છે જેનું ઘેર ઘેર જઈને સન્માન કરવામાં આવશે.

અન્ય સમાચારો પણ છે...