તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

રાજકોટ સિવિલનો સુવર્ણ દિવસ:મ્યુકોરમાઈકોસિસના 507 દર્દીની સર્જરી કરી નવો રેકોર્ડ સ્થાપ્યો, સતત 12 કલાક 5 ઓપરેશન, થિએટરમાં રોજની 20થી વધુ સર્જરી

રાજકોટ3 મહિનો પહેલા
  • કૉપી લિંક
રાજકોટ સિવિલમાં મ્યુકોરમાઈકો - Divya Bhaskar
રાજકોટ સિવિલમાં મ્યુકોરમાઈકો
  • મ્યુકોરમાઈકોસિસના નવા કેસમાં સતત ઘટાડો, 60 જેટલા દર્દીને રજા આપવામાં આવી
  • 300થી વધુ દર્દી ઓપરેશન બાદ સમરસ ખાતે ઓબ્ઝર્વેશન હેઠળ સારવારમાં

રાજકોટ માટે ગૌરવની વાત છે કે, 12 જૂને રાજકોટ સિવિલ દ્વારા છેલ્લા 2 માસમાં કુલ મળી મ્યુકોરમાઈકોસિસના 507 દર્દીઓની સર્જરી કરી એક નવો જ રેકોર્ડ સ્થાપ્યો છે. સિવિલની હિસ્ટ્રીમાં આટલા ઓપરેશન આટલા ટૂંકા ગાળામાં ક્યારેય પણ થયા નહીં હોવાનુ ઈ.એન.ટી. સર્જન ડો. સેજલ મિસ્ત્રી જણાવે છે. તેઓએ વધુમાં જણાવ્યું હતું કે, રાજકોટ સિવિલના ઈ.એન.ટી. વિભાગમાં 5 ઓપરેશન થિએટરમાં સવારના 8.30થી રાત્રિના 8:30 દરમિયાન 12 કલાકમા રોજની 20 જેટલી સર્જરી કરવામાં આવે છે. જેમાં ઈ.એન.ટી. ડોક્ટર્સ ડો. સેજલ, ડો. પરેશ ખાવડુ તેમજ ડો. સંદીપ વાછાણીની આગેવાનીમાં સિનિયર રેસિડન્ટ ડોક્ટર્સ, જરૂર મુજબ આંખના અને દાંતના ડોક્ટર્સ અને ખાસ તો એન્સ્થેટિકની ટીમનો ખૂબ અગત્યનો રોલ હોય છે.

મ્યુકોરમાઈકોસિસના દર્દીઓને હાઈલી સ્કિલફુલ સર્જરી જરૂરી
દર્દીઓની સર્જરી અને ટ્રીટમેન્ટ વિશે જણાવતા ડો. સેજલે કહ્યું હતું કે, મોટેભાગે મ્યુકોરમાઈકોસિસના દર્દીઓ ડાયાબિટીક દર્દીઓ તેમજ પોસ્ટ કોરોના દર્દીઓ હોય તેમની ઇમ્યુનિટી અને બીજા ફેક્ટર ધ્યાનમાં રાખી હાઈલી સ્કિલફુલ સર્જરી કરવી પડે છે. આ સર્જરી નાકમાં દૂરબીન નાખી કરવામાં આવતી હોય છે. સર્જરી દરમિયાન સાયનસના ભાગે ખૂબ સાવચેતી રાખવી પડે છે. જેની સીધી અસર આંખ અને મગજના તાળવે થતી હોય છે. અંદરની ત્વચા ખૂબ જ નાજુક હોય જરા પણ ડેમેજ ન થાય તે રીતે ધીરજપૂર્વક સર્જરી કરવી પડે છે.

ફંગસની સિરિયસનેસ તેમજ ઉંમરના ક્રાઈટેરિયા બાદ ઓપરેશન
મ્યુકોરમાઈકોસિસની સારવાર બે ભાગમાં વહેંચાયેલી હોય છે. જેમાં એક ભાગ સર્જીકલ અને બીજો ભાગ મેડિકલ ટ્રીટમેન્ટ હોય છે. દર્દી દાખલ થયા બાદ તેમના ફંગસ માટેના જુદા જુદા રિપોર્ટ તેમજ જરૂર પડ્યે ઈ.એમ.આર.આઈ. કરવામાં આવે છે. ત્યારબાદ દર્દીને ફંગસની ગંભીરતા તેમજ ઉંમરના ક્રાઈટેરિયા બાદ તેમનું ઓપરેશન અગ્રતાના ધોરણે કરવામાં આવે છે. ઓપરેશન પહેલા તેમની ફિટનેસ ચેક કરવામાં આવે છે. ઓપરેશન પહેલા અને ત્યારબાદ તેમની મેડિકલ ટ્રીટમેન્ટ શરુ કરી દેવામાં આવે છે. જેમાં જરૂરી ઇન્જેક્શન અને મેડિસિન હોય છે.

ઓપરેશન બાદ દર્દીને 21થી 45 દિવસ સુધી ઓબ્ઝર્વેશનમાં રાખવામાં આવે.
ઓપરેશન બાદ દર્દીને 21થી 45 દિવસ સુધી ઓબ્ઝર્વેશનમાં રાખવામાં આવે.

60 દર્દી બિલકુલ સાજા થતા રજા અપાઇ
ઓપરેશન બાદ દર્દીને 21થી 45 દિવસ સુધી ઓબ્ઝર્વેશનમાં રાખવામાં આવે છે. એટલું જ નહિ પરંતુ દર્દીને રજા આપ્યા બાદ તેઓનું સાપ્તાહિક ચેકઅપ પણ કરવામાં આવે છે. હાલ 60 જેટલા દર્દીઓ બિલકુલ સાજા થઈ તેમને રજા આપવામાં આવી હોવાનું તેમજ 300થી વધુ દર્દીઓને ઓપરેશન બાદ સમરસ ખાતે ઓબ્ઝર્વેશન હેઠળ રખાયા હોવાનુ ડો. સેજલ મિસ્ત્રીએ જણાવ્યું છે.

રાજકોટ સિવિલમાં 800થી વધુ દર્દી સારવાર હેઠળ
ડો.સેજલ મિસ્ત્રી વધુમાં જણાવે છે કે, રાજકોટ સિવિલ ખાતે સૌરાષ્ટ્ર તેમજ અમદાવાદ સહિતના સ્થળોએથી મ્યુકોરમાઈકોસિસના 800થી વધુ દર્દીઓ સારવાર લઈ સ્વાસ્થ્ય પ્રાપ્ત કરી રહ્યા છે. જેમાં સિવિલ સુપ્રિટેન્ડેન્ટ, કલેક્ટર રેમ્યા મોહન તેમજ ઈ.એન.ટી. સોસાયટીનો બહોળો સહયોગ મળ્યો છે. રાજકોટ સિવિલમાં છેલ્લા બે મહિના જેટલા ગાળામાં 500થી વધુ ઓપરેશન દ્વારા મોટાભાગના દર્દીઓને સારવાર બાદ ઓર્ગન ડેમેજ કંટ્રોલ કરી શકાયો છે. કેટલાક કિસ્સાને બાદ કરતા કોઈ દર્દીને મોટેભાગે શરીરના અંગ ગુમાવવાનો વારો આવ્યો નથી. જે અમારા માટે આનંદની વાત છે અને અમારો પરિશ્રમ લેખે લાગ્યો છે.

મ્યુકોરમાઇકોસિસના દર્દીઓની સારવાર માટે સ્કિલ્ડ ટીમ
વધુમાં તેઓ જણાવે છે કે, રાજકોટ સિવિલ હોસ્પિટલ ખાતે મ્યુકોરમાઈકોસિસના દર્દીઓની સારવારમાં સિવિલના આંખના સર્જન ડો. નીતિબેન શેઠ, ન્યુરો સર્જન ડો. અંકુર પાવાણી, તાળવાના સર્જન ડો. હિરેન સંઘાણી, ડો. ગૌરાંગ નકુમ, મેડિસિનના નોડલ ઓફિસર, એન્સ્ટેથિક ડો. વંદના અને તેમની ટીમ, નસિંગ સુપ્રિટેન્ડન્ટ હિતેશ જાખરીયા અને સમગ્ર નર્સિંગ સ્ટાફ સાથોસાથ ઈ.એન.ટી. સોસાયટીના ડોક્ટર્સ કે જેઓ દ્વારા દ્વારા રોજ બે ઓપરેશન ડોક્ટર્સની ટીમ દ્વારા કરી આપવામાં આવે છે તેમનો સહયોગ મળી રહ્યો છે.

ઓપરેશન કરતી તબીબોની ટીમ.
ઓપરેશન કરતી તબીબોની ટીમ.

ફંગસથી આ રીતે બચી શકાય
ભાવનગરથી ખાસ જોડાયેલા ડો. પરેશ ખાવડુ જણાવે છે કે, ફંગસ થયાના પ્રાથમિક લક્ષણો અંગે લોકો સજાગ બને તો વહેલી તકે તેમનું નિદાન અને સારવાર કરવાથી તેમને ખાસ કંઈ નુકસાન થતું નથી. કોરોનાની સારવાર દરમિયાન ડોક્ટરોએ આઈ.સીએમ.આર.ની ગાઈડલાઈન મુજબ દવા અને સ્ટિરોઈડનો યોગ્ય પ્રમાણમાં ઉપયોગ કરવો જોઈએ, તેમજ દર્દીને જરૂરી હોય તો જ ઓક્સિજન પર રાખવા જોઈએ. ખાસ કરીને ડાયાબિટીસના દર્દીઓએ સુગર લેવલ કંટ્રોલમાં રાખવું જોઈએ.

માસ્ક રોજેરોજ ધોયેલા પહેરવા તેમજ ભીના માસ્ક ન પહેરવા
ઈ.એન.ટી. સર્જન ડો. સંદીપ વાછાણી જણાવે છે કે, મ્યુકોરમાઈકોસિસનો થાય તે માટે ખાસ તો માસ્ક પહેરવા, માસ્ક રોજેરોજ ધોયેલા પહેરવા તેમજ ભીના માસ્ક ન પહેરવા. પર્સનલ હાઇજીન અને એન્વાયરમેન્ટ હાઇજીન પર ખાસ ભાર મુક્ત તેઓ જણાવે છે કે, ભેજયુક્ત વાતાવરણથી દૂર રહેવું, શુદ્ધ હવા મળી રહે તે માટે યોગ્ય વેન્ટિલેશન જરૂરી છે. દર્દીને રજા અપાયા બાદ દર્દીને આંખ કે તાળવાની નુકસાની થયે પરિવારજનોનો માનસિક સધિયારો ખુબ જ જરૂરી છે. રાજ્ય સરકાર દ્વારા કોરોના બાદ મ્યુકોરમાઈકોસીસની સારવાર માટે યુદ્ધના ધોરણે મેન પાવર તેમજ જરૂરી સાધન સહાય પુરી પાડી લાખો રૂપિયાના ખર્ચે થતી નિઃશુલ્ક સારવાર અને સ્વસ્થ ગુજરાતની નેમ સાથે સાચા અર્થમાં સંવેદનશીલ અને નિર્ણાયક સરકાર સાબિત થઈ છે.

ફંગસની ગંભીરતા અને ઉંમરને ધ્યાને રાખ્યા બાદ ઓપરેશન કરવામાં આવે છે
મ્યુકરમાઇકોસિસની સારવાર બે વિભાગમાં વહેંચાયેલી છે, એક ભાગ સર્જિકલ તો બીજો ભાગ મેડિકલ ટ્રીટમેન્ટ હોય છે, દર્દી દાખલ થયા બાદ તેમના ફંગસ માટેના જુદા જુદા રિપોર્ટ તેમજ જરૂર પડ્યે ઇએમઆરઆઇ કરવામાં આવે છે, ત્યારબાદ ફંગસની ગંભીરતા તેમજ ઉંમરને ધ્યાને રાખી ઓપરેશનની અગ્રીમતા નક્કી કરવામાં આવે છે.

ઓપરેશન પહેલા તેમની ફિટનેસ ચેક કરવામાં આવે છે. ઓપરેશન પહેલા અને બાદમાં મેડિકલ ટ્રીટમેન્ટ શરૂ કરવામાં આવે છે. ઓપરેશન બાદ દર્દીને 21 થી 45 દિવસ સુધી ઓબ્ઝર્વેશનમાં રાખવામાં આવે છે. એટલું જ નહીં દર્દીને રજા આપ્યા બાદ તેનું સાપ્તાહિક ચેકઅપ કરવામાં આવે છે હાલમાં 60 જેટલા દર્દીઓ સંપૂર્ણ સ્વસ્થ થતા તેને રજા આપવામાં આવી છે. 300 થી વધુ દર્દીઓ સમરસ ખાતે ઓબ્ઝર્વેશનમાં છે.

ફંગસથી આ રીતે બચી શકાય
ડો.ખાવડુએ જણાવ્યું હતું કે, કોરોનાની સારવાર દરમિયાન ડોક્ટર્સે આઇસીએમઆરની ગાઇડલાઇન મુજબ દવા અને સ્ટિરોઇડનો યોગ્ય પ્રમાણમાં ઉપયોગ કરવો જોઇએ તેમજ દર્દીને જરૂરી હોય તો જ ઓક્સિજન પર રાખવા જોઇએ, ખાસ કરીને ડાયાબિટીસના દર્દીઓએ શુગર લેવલ કન્ટ્રોલમાં રાખવું જોઇએ. ડો. સંદીપ વાછાણીએ કહ્યું હતું કે, મ્યુકરમાઇકોસિસ ન થાય તે માટે ખાસ તો માસ્ક પહેરવા, માસ્ક રોજેરોજ ધોયેલા પહેરવા, તેમજ ભીના માસ્ક ન પહેરવા, ભેજયુક્ત વાતાવરણથી દૂર રહેવું, શુદ્ધ હવા મળી રહે તે માટે યોગ્ય વેન્ટિલેશન જરૂરી છે.