• Gujarati News
  • Local
  • Gujarat
  • Rajkot
  • 45 Minutes Of Extra Teaching In Schools Scoring Less Than 30 Percent In The Board Will Improve The Level Of Education result.

શિક્ષણ:બોર્ડમાં 30 ટકાથી ઓછું રિઝલ્ટ લાવનારી શાળાઓમાં 45 મિનિટ વધુ ભણાવી શિક્ષણ-પરિણામનું સ્તર સુધારાશે

રાજકોટ17 દિવસ પહેલા
  • કૉપી લિંક
  • નબળી શાળાઓ માટે DEOનો એક્શન પ્લાન: રજાના દિવસે પણ બાળકોને બોલાવીને શિક્ષણ અપાશે

14 માર્ચથી રાજકોટ સહિત રાજ્યભરમાં બોર્ડની પરીક્ષા લેવાનાર છે ત્યારે ગયા વર્ષે રાજ્યભરની જે શાળાઓનું બોર્ડનું પરિણામ 30%થી ઓછું આવ્યું છે તેનું શૈક્ષણિક અને પરિણામનું સ્તર સુધારવા આ વર્ષે જ બોર્ડે અને શિક્ષણ વિભાગે તૈયારીઓ શરૂ કરી દીધી છે. જેમાં 30%થી ઓછું પરિણામ લાવનારી શાળાઓમાં શિક્ષકોએ દરરોજ 45 મિનિટ વધુ ભણાવવા નિર્ણય કર્યો છે. રાજકોટ જિલ્લાની 27 શાળામાં આ પ્રમાણે શિક્ષણકાર્ય શરૂ પણ કરી દેવાયું છે. રાજકોટ જિલ્લાની 27 શાળાનું 30%થી ઓછું પરિણામ આવ્યું તેમાં હાલ દરરોજ 45 મિનિટ શિક્ષકો દ્વારા વધુ અભ્યાસ કાર્ય કરાવવામાં આવે છે.

આ ઉપરાંત રજાના દિવસોમાં પણ વિદ્યાર્થીઓને ભણવા બોલાવાય છે. નબળું પરિણામ લાવનારી શાળાઓનું શિક્ષણનું અને પરિણામનું સ્તર સુધારવા બોર્ડ અને જિલ્લા શિક્ષણાધિકારી દ્વારા ખાસ એક્શન પ્લાન બનાવ્યો છે. દિવાળી સમયથી જ આ એક્શન પ્લાન અમલી કરી દેવાયો છે અને 30%થી ઓછું પરિણામ લાવનારી શાળાઓમાં અભ્યાસનો સમય વધારી દેવાયો છે. રજાના દિવસોમાં પણ શૈક્ષણિક કાર્ય ચાલુ રહેશે.

5 વર્ષમાં ધો.10ની 4853 સ્કૂલનું પરિણામ 30%થી ઓછું રહ્યું

વર્ષ30%થી ઓછું પરિણામ લાવનારી શાળાની સંખ્યા

10%થી ઓછું પરિણામ લાવનારી શાળાની સંખ્યા\

ધો.10ધો.12 સાયન્સધો.12 કોમર્સ
20221007161
2021માસ પ્રમોશનમાસ પ્રમોશનમાસ પ્રમોશન
202018395668
20199957949
201810127626
અન્ય સમાચારો પણ છે...