ધરપકડ:ઘોડીપાસાનો જુગાર રમતા 4 શખ્સ પકડાયા

શહેરના ગોંડલ રોડ પર ઘોડીપાસાનો જુગાર રમતા ચાર અઠંગ જુગારીઓને પોલીસે પકડી પાડ્યા છે. લોહાનગર મફતિયાપરામાં કેટલાક શખ્સો જાહેરમાં ઘોડીપાસાનો જુગાર રમતા હોવાની માહિતીના આધારે એ ડિવિઝન પોલીસે દરોડો પાડ્યો હતો. દરોડા દરમિયાન હિરેન રસિક આડેસરા, જુમા જીવા ઠેબા, ઇમરાન હાસમિયા સૈયદ અને ફૈઝલ આરિફ ગલરયાને ઘોડીપાસાનો જુગાર રમતા ઝડપી લીધા હતા. પોલીસે ચારેય શખ્સ પાસેથી રૂ.18,500ની રોકડ કબજે કરી કાર્યવાહી કરી છે. આ ચારેય અગાઉ પણ જુગારના ગુનામાં પકડાઇ ચૂક્યા છે. અન્ય એક દરોડામાં હંસરાજનગર મેઇન રોડ પરથી ભરત ધરમદાસ નેભાણી નામના શખ્સને વરલી ફીચરનો જુગાર રમાડતા રોકડા રૂ.770 સાથે ઝડપી લઇ કાર્યવાહી કરી છે.