વિવાદ:જૂના ડખામાં 4 શખ્સનો યુવાન પર ફરી હુમલો

દોઢસો ફૂટ રિંગ રોડ, લક્ષ્મીના ઢોરા પાસે રહેતા દેવરાજ મોતીભાઇ પરમાર નામના યુવાને તે જ વિસ્તારમાં રહેતા કિશોર કબીરા, અમિત કબીરા, વિપુલ કબીરા, ગુડો કબીરા સામે ફરિયાદ નોંધાવી છે. ફરિયાદ મુજબ, ઉપરોક્ત આરોપીઓ સાથે ધુળેટીના દિવસે ડખો થયો હતો. જેનો ખાર રાખી બપોરના સમયે ઘર પાસે હતો ત્યારે આરોપીઓ ધોકા સાથે આવી હુમલો કર્યો અને જાનથી મારી નાખવાની ધમકી આપી નાસી ગયા હતા. ગંભીર ઇજા થતા સારવાર માટે હોસ્પિટલ ખસેડાયો હતો. પોલીસે ગુનો નોંધી તપાસ હાથ ધરી છે.

મેસવાડા ગામે રહેતા મનસુખભાઇ કુરજીભાઇ પરમાર પર ગામના જ દેવરાજ નાથા સાંગડિયા અને તેની સાથે રહેલા અજાણ્યા શખ્સે માર મારતા સારવારમા ખસેડાયો હતો. પોલીસે ગુનો નોંધી આરોપીઓની ધરપકડ કરવા તજવીજ હાથ ધરી છે.