લોકડાઉનમાં છૂટછાટ:મજૂરોને વતન પહોંચાડવા 35 બસ દોડાવાઇ રહી છે

રાજકોટની આસપાસના ગામડાઓ, ઔદ્યોગિક એકમોના મજૂરોને વતન મોકલવાની કામગીરી ચાલી રહી છે. શહેરના જુદા જુદા વિસ્તારોમાં રહેતા મજૂરોને રેલવે સ્ટેશન સુધી પહોંચાડવા માટે રાજકોટ મહાનગરપાલિકાએ સિટીબસ ફાળવી હતી જેમાં મજૂરોને તેના વિસ્તારમાંથી જ લઈને જે-તે બસ સ્ટેશન લઇ આવતી હતી એવી જ રીતે હવે પડધરી અને લોધિકા સહિતના ગામડાઓમાં રહેલા મજૂરોને રાજકોટ રેલવે સ્ટેશન સુધી લઇ આવવા માટે દરરોજ 35 જેટલી એસ.ટી બસ દોડાવવામાં આવી રહી છે. છેલ્લા એક સપ્તાહથી દરરોજ 30થી વધુ એસ.ટી. બસ ગામડાઓમાં મજૂરોને લઇ આવવા માટે દોડાવાઇ રહી છે. ડ્રાઈવરને પણ સાવચેતીના ભાગરૂપે સેનિટાઈઝર અને માસ્ક આપ્યા છે.