મહાનગરપાલિકા ચૂંટણી:320 મુરતિયા મેદાને, વોર્ડ નં. 2, 10 સિવાય બધે બે મશીન મુકાશે

રાજકોટ મહાનગરપાલિકાની ચૂંટણી માટે ફોર્મ ચકાસણી પૂરી થયા બાદ 321 ઉમેદવાર માન્ય રહ્યા હતા તેમાંથી એક ઉમેદવારે નામ પાછું ખેંચતા સોમવારની સ્થિતિએ 320 દાવેદાર રહ્યા છે. જેમાં સૌથી વધુ 26 દાવેદાર વોર્ડ નં. 15, જ્યારે સૌથી ઓછા 13 ઉમેદવાર વોર્ડ નં. 2માં નોંધાયા છે. વોર્ડ નં. 2 અને 10 સિવાય તમામ વોર્ડના મતદાન મથકોમાં ઈવીએમના બે બેલેટ યુનિટ મૂકવા પડશે. એક બેલેટ યુનિટમાં 16 સ્વિચ હોય છે જેમાં એક નોટા અને એક રજિસ્ટર બટન હોય છે તેથી એક યુનિટમાં મહત્તમ 13 જ ઉમેદવાર રાખી શકાય છે.

હવે શું થશે
મંગળવારે ફોર્મ પરત ખેંચવાનો છેલ્લો દિવસ છે. 3 વાગ્યા સુધીમાં આ પ્રક્રિયા પૂરી થયા બાદ આર.ઓ. કુલ ઉમેદવારોનું લિસ્ટ જાહેર કરે અને પછી તે લિસ્ટ મુજબ બેલેટ પેપર તૈયાર કરવાની કામગીરી તેમજ અપક્ષ ઉમેદવારોને ચિહ્ન આપવાની કાર્યવાહી થશે અને જે તે ઈવીએમને બૂથ મૂજબ ફાળવી જે તે પ્રિસાઈડિંગ ઓફિસરને કામગીરી સોંપાશે.