કોરોના મહામારી:રાજકોટમાં કોરોનાના 32 પોઝિટિવ, 173 એક્ટિવ કેસ

રાજકોટ શહેરમાં કોરોનાના નવા 26 અને ગ્રામ્ય વિસ્તારમાં 6 સહિત કુલ 32 નવા કેસ નોંધાયા છે. આ સાથે કોરોનાના કેસનો કુલ આંક 22661 થયો છે. જેમાંથી 173ની સારવાર ચાલી રહી છે જોકે મોટા ભાગના પોઝિટિવ ઘરે રહીને જ સારવાર મેળવી રહ્યા છે. રાજકોટમાં હવે વેક્સિનેશનના બીજા ડોઝનો તબક્કો ચાલી રહ્યો છે.

મંગળવારે શહેરના 370 હેલ્થ વર્કરે રસીનો બીજો ડોઝ લીધો હતો જેમાં સિવિલ હોસ્પિટલના તબીબો અને સ્ટાફ આગળ રહ્યો હતો. બીજી તરફ છેલ્લા 3 દિવસમાં કેટલા દર્દીઓ કોરોનાની સારવાર દરમિયાન મોતને ભેટ્યા છે તે જાહેર કરવાનું તંત્રે બંધ કરી દીધું છે.