સુવિધા:2 ટ્રેનમાં સેકન્ડ એસી અને 1માં સ્લીપર કોચ વધારાશે

મુસાફરોની સુવિધા માટે પશ્ચિમ રેલવેએ રાજકોટ ડિવિઝનમાંથી પસાર થતી ત્રણ જોડી ટ્રેનમાં હંગામી ધોરણે વધારાના કોચ જોડવાનો નિર્ણય કર્યો છે. ઓખા-મુંબઇ સેન્ટ્રલ, સોમનાથ-ઓખા, વેરાવળ-બાંદ્રા ટ્રેનમાં વધારાના કોચ જોડવામાં આવશે. આ અંગે સિનિયર ડીસીએમ અભિનવ જૈફના જણાવ્યાનુસાર ટ્રેન નંબર 22946/22945 ઓખા - મુંબઈ સેન્ટ્રલ - ઓખા સૌરાષ્ટ્ર મેલમાં ઓખાથી 18.01.2022થી 17.02.2022 સુધી અને મુંબઈ સેન્ટ્રલથી 15.01.2022થી 14.02.2022 સુધી એક વધારાનો સેકન્ડ એસી કોચ જોડવામાં આવશે.

ટ્રેન નંબર 19251/19252 સોમનાથ-ઓખા-સોમનાથ એક્સપ્રેસમાં સોમનાથથી 17.01.2022થી 16.02.2022 સુધી અને ઓખાથી 16.01.2022 થી 15.02.2022 સુધી એક વધારાનો સેકન્ડ એસી કોચ લગાવવામાં આવશે. ટ્રેન નંબર 19218/19217 વેરાવળ - બાંદ્રા સૌરાષ્ટ્ર જનતા એક્સપ્રેસમાં વેરાવળથી 19.01.2022થી 02.02.2022 સુધી (તા.22.01, 23.01, 27.01 અને 01.02 સિવાય) અને બાંદ્રાથી તા..18.01થી 01.02સુધી (21.01.2022, 22.01.2022, 26.01.2022 અને 31.01.2022 સિવાય) એક વધારાનો સ્લીપર કોચ જોડવામાં આવશે.