• Gujarati News
  • Local
  • Gujarat
  • Rajkot
  • 100% Course Will Be Applied In Class 10 And 12 Board Exam No Relaxation In Paper Style, Question Papers Will Be Asked In Old Method

બોર્ડની પરીક્ષાનું ટાઈમટેબલ જાહેર:ધોરણ 10 અને 12ની બોર્ડની પરીક્ષામાં 100% કોર્સ લાગુ કરાશે પેપર સ્ટાઈલમાં કોઇ રાહત નહીં, જૂની પદ્ધતિથી પ્રશ્નપત્રો પૂછાશે

રાજકોટએક મહિનો પહેલા
  • કૉપી લિંક
પ્રતીકાત્મક તસ્વીર - Divya Bhaskar
પ્રતીકાત્મક તસ્વીર
  • રાજ્યમાં અંદાજે 17 લાખ વિદ્યાર્થી પરીક્ષા આપશે, બોર્ડે કોરોનાકાળમાં પેપર સ્ટાઈલ સરળ બનાવી હતી

શિક્ષણ બોર્ડ દ્વારા ધોરણ 10 અને 12ની બોર્ડની પરીક્ષાનું ટાઈમટેબલ જાહેર કરાયું છે. રાજ્યમાં કુલ અંદાજે 17 લાખ જેટલા વિદ્યાર્થીઓ પરીક્ષા આપશે. ત્યારે સૌથી મહત્ત્વની બાબત એ છે કે, અત્યાર સુધી બોર્ડની પરીક્ષામાં કોરોનાકાળ દરમિયાન બોર્ડે પેપર સ્ટાઈલમાં રાહત આપી હતી, પેપર સ્ટાઈલ અને પ્રશ્નો સરળ બનાવ્યા હતા પરંતુ હવે કોરોનાકાળ બાદ 2019-20ની પરીક્ષા પદ્ધતિ પ્રમાણે જ બોર્ડની પરીક્ષા લેવાશે. પેપર સ્ટાઈલ પણ અગાઉની જૂની પદ્ધતિ પ્રમાણે હશે અને 100% લાગુ કરવામાં આવનાર હોવાનું જાણવા મળ્યું છે.

શાળાઓમાં 40% કોર્સ ભણાવી દીધો ત્યારે બોર્ડે પરીક્ષાની પેપર સ્ટાઈલ બદલી હતી
ધોરણ 10 અને 12ના વિદ્યાર્થીઓ સામાન્ય રીતે અભ્યાસક્રમની શરૂઆત બોર્ડની પરીક્ષા પૂર્ણ થયા બાદ તુરંત જ કરી દેતા હોય છે અને એપ્રિલ-મે-જૂન-જુલાઈ સુધીમાં 40% કોર્સ પૂર્ણ થઇ ગયો હોય છે. શિક્ષણ બોર્ડે જુલાઈ માસમાં જૂની પેપર સ્ટાઈલ પ્રમાણે જ પરીક્ષા લેવાનું જાહેર કર્યું હતું.

પરંતુ ત્યાં સુધીમાં રાજકોટ સહિત રાજ્યભરની શાળાઓમાં વિદ્યાર્થીઓને 40% કોર્સ કોરોના વખતની જ પેપર સ્ટાઈલ પ્રમાણે ભણાવી દીધો હોવાથી ચાલુ વર્ષે કોરોના સમયની જ પેપર સ્ટાઈલ યથાવત્ રાખવા શાળા સંચાલકોએ માગણી કરી હતી અને બોર્ડના સચિવને પણ લેખિતમાં રજૂઆત કરી હતી. પરંતુ બોર્ડે આ વર્ષે કોઈપણ રાહત આપ્યા વિના જૂની પદ્ધતિથી જ પરીક્ષા લેવા નક્કી કર્યું છે.

ધોરણ-10, 12 સામાન્ય પ્રવાહ અને વિજ્ઞાન પ્રવાહની પરીક્ષાનું સમયપત્રક

તારીખધો.10ધો.12 સા.પ્ર.ધો.12 વિ.પ્ર.
14 માર્ચગુજરાતીનામના મૂળતત્ત્વભૌતિક વિજ્ઞાન
15 માર્ચસ્ટાન્ડર્ડ ગણિતતત્ત્વજ્ઞાન----
16 માર્ચ----આંકડાશાસ્ત્રરસાયણ વિજ્ઞાન
17 માર્ચબેઝિક ગણિતઅર્થશાસ્ત્ર----
18 માર્ચ--------જીવ વિજ્ઞાન
20 માર્ચવિજ્ઞાનવાણિજ્ય વ્યવસ્થાગણિત
21 માર્ચ----ગુજરાતી(દ્વિતીય ભાષા)----
23 માર્ચસામાજિક વિજ્ઞાન----અંગ્રેજી(દ્વિતીય ભાષા)
24 માર્ચ----ગુજરાતી(પ્રથમ ભાષા)----
25 માર્ચઅંગ્રેજીહિન્દીકમ્પ્યૂટર
27 માર્ચ

ગુજરાતી(દ્વિતીય ભાષા)

કમ્પ્યૂટર----
28 માર્ચસંસ્કૃત/ હિન્દીસંસ્કૃત----
29 માર્ચ----સમાજશાસ્ત્ર----
અન્ય સમાચારો પણ છે...