કોરોના મહામારી:કોરોના માટે કામ કરવામાં આશા બહેનોનો નનૈયો

દેશભરમાં કોરોના વાયરસે મહામારી સર્જતા સરકારે ગ્રામ્ય વિસ્તારોમાં પણ  કોરોના બાબતે તકેદારી રાખવા માટે ટીમ બનાવવા આદેશો કર્યા છે. જેતપુર તાલુકા પંથકમાં પણ ટીડીઓએ તમામ ગામડાઓમાં આવી  ટીમો બનાવીને કોરોના બાબતે સતર્કતા દાખવવા હુકમ કર્યો હતો. પરંતુ જેતલસર જંકશનમાં કોરોના ટીમમાં પ્રારંભિક કામ કરીને હવે આંગણવાડી બહેનો અને આશા વર્કરોનો સહકાર ન મળતો હોવાની  ફરિયાદ જેતલસર જંકશનના સરપંચ ગોરધનભાઈ વાઘેલાએ રાજકોટ જિલ્લા કલેકટરને કરી છે. જેતલસરના સરપંચે પોતાની રજૂઆતમાં કહ્યું છે કે કાં તો ગામડાઓમાં ચાલતી કોરોના ટીમને બંધ કરાવો અથવા તો આવી કામગીરીમાં અસહકાર આપનાર આંગણવાડીની બહેનો તેમજ આશા વર્કરો સામે તાત્કાલિક શિક્ષાત્મક પગલાં ભરવા જરૂરી છે. કેમકે આ રીતે તો કામ નહીં જ થાય. જો આમ નહીં કરાય તો સરપંચ પોતે અને  ગ્રામ પંચાયતના તમામ સભ્યો રાજીનામા આપી દેશે તેવી ચિમકી ઉચ્ચારાઇ છે.