અકસ્માત:ટ્રકચાલકે સ્કૂટરને ઠોકર મારતા 1નું મોત, 2ને ઇજા

રાજકોટ વિરપુર હાઈ-વે પર ટ્રક ચાલકે એકટીવા લઈને ત્રિપલ સવારીમાં નીકળેલી ત્રણ બહેનને અડફેટે લેતા એકનું મોત જ્યારે અન્ય બેને ઈજા પહોંચી છે. નવાગઢના રામૈયા હનુમાન વિસ્તારમાં રહેતાં વિક્રમભાઈ ધીરુભાઈ સોલંકીએ નોંધાવેલી ફરિયાદમાં જણાવ્યાં મુજબ તેમની પુત્રી ખુશી તથા તેની ૨ સહેલી કાજલબેન અને પ્રભાબેન ઉફે બાલીબેન ગામે ગયાં હતાં અને જયાંથી પોતાનું એકટીવા લઈને પરત આવતાં હતાં ત્યારે વિરપુર હાઈ-વે પર રવિ હોટલ નજીક ટ્રક નંબર જીજે-૩ એડબ્લ્યુ ૩૫૫૫ના ચાલકે એકટીવાને અડફેટે લીધું હતું.

એકટીવા ટ્રકના પાછળનાં ગાર્ડમાં અથડાયા બાદ ટ્રકનું વ્હીલ એકટીવા પર ફરી વળતાં ખુશીનું ગંભીર ઈજા થવાથી ઘટના સ્થળે મોત થયું હતું જયારે તેની બહેનપણી કાજલ અને પ્રભાવને ઈજા થતાં સારવાર માટે હોસ્પિટલે ખસેડવામાં આવી છે.