વિવાદ:સોમલપરના આધેડ સમાધાન માટે ગયા અને થઈ મારામારી

સોમલપર ગામે જૂના મનદુખનું સમાધાન કરવા માટે જનારા આધેડને સમાધાન બાદની ખુશી તો ન મળી પરંતુ માર પડ્યો હતો. વીંછિયા તાલુકાના સોમલપર ગામે રહેતા માધાભાઈ ભોપાભાઈ સોલંકી (ઉ.વ.58) પર બાજુના નવાગામમાં કાળુભાઈ શંભુભાઈ અને વિપુલ સહિતે પાઈપથી હુમલો કરી માર મારતાં સારવાર માટે રાજકોટની સિવિલ હોસ્પિટલમાં ખસેડાયા હતા.

ઈજાગ્રસ્ત માધાભાઈના મિત્રનું નામ માધાભાઈ કરસનભાઈ શિયાળ છે. માધાભાઈ શિયાળને તેના વેવાઈ સાથે મનદુઃખ હોવાથી માધાભાઈ સોલંકી સમાધાનની વાત કરવા મિત્ર સાથે ગયા હતા. તે વખતે મિત્રના વેવાઈ પક્ષના લોકોએ મારકુટ કરી હતી. માધાભાઇ તો નિર્દોષ ભાવે સમાધાનકારી ભૂમિકા ભજવવા માટે સાથે ગયા હતા અને તેમના પર પણ વેવાઇએ રોષ ઠાલવી દેતાં મામલો ગરમાયો હતો. જેથી આ બનાવ અંગે વધુ તપાસ પોલીસે હાથ ધરી છે.