મોકડ્રીલ:જસદણની સિવિલ હોસ્પિટલમાં બીજીવાર આગ

રાજકોટની કોવિડ હોસ્પિટલમાં અગ્નિકાંડ ખેલાયાના સમાચારની હજુ શાહી સુકાઈ નથી. ત્યાં જસદણની સરકારી હોસ્પિટલમાં આગ ભભૂકી ઉઠતાં અફડા-તફડીનો માહોલ સર્જાયો હતો. સાંજે પોલીસની બે જીપ પોલીસ સ્ટેશનથી સરકારી હોસ્પિટલમાં સ્પીડ સાથે ધસી જતાં પ્રથમ તો એવું લાગ્યું હતું કે શહેરમાં કોઈ મોટી ઘટના ઘટી છે.

લોકો પણ આ ઘટનાને પગલે ટોળે વળ્યા હતા અને તમામ ટીમની કામગીરી જોઇ ચિંતિત બની ગયા હતા. જો કે ફાયર વિભાગ, પોલીસ તંત્ર, આરોગ્ય વિભાગ અને ડિઝાસ્ટર મેનેજમેન્ટના અધિકારીઓએ સમયસર આગ પર કાબુ મેળવી લીધો હતો અને બાદમાં જાહેર કરાયું હતું કે આ તો મોકડ્રીલ હતી.