કોરોના મહામારી:જસદણમાં પોલીસ સ્ટાફને કોરોના સામે રક્ષણ આપતો ઉકાળો પીવડાવાયો

કોરોના મહામારીમાં લોકડાઉનનું કડક પાલન કરાવવા રાઉન્ડ ધી કલોક ફરજ બજાવતા જસદણ પોલીસ મથકના પોલીસ જવાનોની ઈમ્યુનિટી જળવાઈ રહે તેવા ઉમદા હેતુથી પોલીસ સ્ટાફને ઉકાળો પીવડાવવામાં આવ્યો હતો. જસદણ શહેરના નાગરિકોની સાથોસાથ પોતાના સહકર્મી સ્ટાફની સતત ચિંતા કરતા જસદણના પીએસઆઈ એન.એચ.જોષી દ્વારા પોલીસ સ્ટાફ માટે આયુર્વેદિક ઉકાળો બનાવવાની વાત કરતા આ સેવાની તક આદર્શ ચેરીટેબલ ટ્રસ્ટે ઝડપી લીધી હતી અને આયુર્વેદિક ઉકાળો બનાવ્યો હતો. આ તકે પીએસઆઈ એન.એચ.જોષીએ રૂબરૂ ઉકાળો બનાવ્યો હતો.