આવક ઘટ્યાનો ઉલ્લેખ:જસદણના કુંવરજી બાવળિયાની સંપત્તિ 5 વર્ષમાં 70.88 લાખ વધી

જસદણ2 મહિનો પહેલા
  • કૉપી લિંક
  • જંગમ મિલકતમાં પત્નીની આવક ઘટ્યાનો ઉલ્લેખ

જસદણ વિધાનસભા બેઠકના ભાજપના ઉમેદવાર કુંવરજીભાઈ મોહનભાઈ બાવળીયાએ પોતે ગત 2017ની સામાન્ય ચૂંટણીમાં જંગમ અસ્કયામત રૂ. 31, 48, 238 અને તેમના પત્ની પારૂલબેનના નામે રૂ. 17, 19, 853 દર્શાવી હતી. જ્યારે 2018ની પેટા ચૂંટણીમાં કુંવરજીભાઈએ રૂ. 40, 18, 318 અને તેમના પત્ની પારૂલબેનના નામે રૂ. 5, 13, 052 દર્શાવી હતી. વધુમાં 2017ની સ્થાવર અસ્કયામત રૂ. 1,06,05,000 જ્યારે પારૂલબેનની રૂ. 19,00,000 દર્શાવી હતી. .

જ્યારે 2018માં કુંવરજીભાઈએ રૂ. 1,01,35,000 જ્યારે પારૂલબેનની રૂ. 9,50,000 દર્શાવી હતી. 2017માં કુંવરજીભાઇએ રોકડ રૂ.30,000 , 2018માં 50,000 દર્શાવ્યા છે જ્યારે પારૂલબેનના નામે અનુક્રમે રોકડ 25,000 યથાવતરાખી છે. 2017માં કુંવરજીભાઈએ દાગીના રૂ.30, 000 અને પારૂલબેનના 40 ગ્રામ રૂ. 1, 20,000 દર્શાવ્યા હતા.

સ્થાવર અસ્કયામત રૂ.1, 28, 05, 000 અને તેમના પત્ની પારૂલબેનની રૂ. 28, 60, 000 દર્શાવી છે. જ્યારે જંગમ અસ્કયામત અનુક્રમે રૂ. 72, 47, 816 અને પારૂલબેનની રૂ. 15, 10, 823 દર્શાવી છે. આ વખતે રોકડ રકમ રૂ. 50,000 અને પત્નીના નામે રૂ.25,000દર્શાવી છે. જ્યારે ઝવેરાત રૂ.48,000 અને પારૂલબેનના 40 ગ્રામ કિંમત રૂ.1,92,000 દર્શાવ્યા છે.

જે જોતા પાંચ વર્ષમાં કુંવરજીભાઈની સ્થાવર અસ્કયામતમાં રૂ.22,00,000 નો વધારો અને પારૂલબેનનો રૂ.9,60,000 નો વધારો દર્શાવ્યો છે. જ્યારે જંગમ અસ્કયામતમાં કુંવરજીભાઈ બાવળીયાનો રૂ.40,99,578 નો વધારો અને પારૂલબેનનો રૂ.2,09,030 નો ઘટાડો દર્શાવ્યો છે. 2017 થી લઈને 2022 સુધીમાં એટલે કે છેલ્લા 5 વર્ષમાં કુંવરજીભાઈ બાવળીયાની સંપત્તિમાં રૂ.70,88,548 નો વધારો જોવા મળી રહ્યો છે.

અન્ય સમાચારો પણ છે...