ખેડૂતનું મોત:જૂના પીપળિયા ગામે ઝેરી જનાવર કરડતા ખેડૂતનું મોત, ખેતરમાં પાણી વાળતા સમયે બનાવ બન્યો

જસદણના જુના પીપળીયા ગામે ઘઉંના પાકમાં પાણી વાળતા એક ખેડૂતને કોઈ ઝેરી જનાવર કરડી જતાં મોત નિપજ્યુ હતું.પ્રાપ્ત વિગતો મુજબ, જસદણ તાલુકાના જુના પીપળીયા ગામે રહેતા પરષોત્તમભાઈ રાજાભાઈ વેકરીયા(ઉ.વ.58) પોતાની વાડીમાં વાવેલા ઘઉંમાં પાણી પીવડાવતા હતા.

ત્યારે અચાનક કોઈ ઝેરી જાનવર કરડી જત્તા તાત્કાલિક તેઓને જસદણની સરકારી હોસ્પિટલમાં સારવાર માટે ખસેડવામાં આવેલ હતા. પરંતુ મૃતકના શરીરમાં ઝેર એટલી હદે પ્રસરી જતા સારવાર મળે તે પહેલા જ ખેડૂતનું ફરજ પરના ડોક્ટરોએ મૃત જાહેર કર્યા હતા. આ બનાવ બનતા જુના પીપળીયા ગામે શોકનું મોજું ફરી વળ્યું હતું. આ બનાવ અંગે વધુ તપાસ આટકોટ પોલીસ ચલાવી રહી છે.