રેઈડ:વીંછિયામાંથી રૂ.4.62 લાખનો સોપારીનો જથ્થો ઝડપાયો

વિંછીયામાં બોટાદ રોડ પર આવેલ માંડવરાય શોપિંગ સેન્ટરમાંથી ગત રવિવારે રાત્રીના વિંછીયા મામલતદાર પી.એમ.ભેસાણીયા અને પીએસઆઈ એમ.જે.પરમાર સહિતના સ્ટાફ દ્વારા ખાનગી બાતમીના આધારે રેઈડ કરવામાં આવી હતી. જે રેઈડ દરમિયાન જગદીશભાઈ શામજીભાઈ પ્રજાપતિના ઘર અને ગોડાઉનમાંથી 11 કોથળા સોપારીનો જથ્થો કિંમત રૂ.4,62,714 નો ઝડપાતા તેમના ઘર અને ગોડાઉનને સીલ કરવામાં આવ્યા હતા. વેપારી સામે વિંછીયા પોલીસે કાયદેસરની કાર્યવાહી હાથ ધરતા આ પ્રકારના કાળા બજાર કરનારા અન્ય વેપારીઓમાં ફફડાટ વ્યાપી ગયો હતો. હજુ બે દિવસ પહેલા જ વિંછીયામાંથી અંદાજે રૂ.10 લાખનો મોટા પ્રમાણમાં સોપારી અને તમાકુનો જથ્થો પકડાયો હતો.