હુમલો:નાઘેડીમાં બાઇક ચલાવવા પ્રશ્ને યુવાન પર હુમલો થયો, તલવારથી હુમલાની પિતા-પુત્ર સામે રાવ

જામનગર નજીક નાઘેડી ગામે રહેતા યુવાન પર તલવાર વડે હુમલો કરી માથાના ભાગે ઇજા પહોચાડી બેફામ ઢીંકાપાટુનો માર માર્યાની ફરીયાદ પિતા-પુત્ર સામે નોંધાઇ છે.આ હુમલામાં ઘવાયેલા યુવકને સારવાર અર્થે હોસ્પીટલમાં ખસેડાયો હતો. જામનગર તાલુકાના નાઘેડી ગામે રહેતા અલ્તાફ ઉર્ફે બોદુ જુમાભાઇ પતાણી નામના શ્રમિક યુવકે પોતાના પર તલવાર વડે હુમલો કરી માથાના ભાગે ઇજા પહોચાડીને બેફામ ઢીંકાપાટુનો માર મારી જાનથી મારી નાખવાની ધમકી આપ્યાની ફરીયાદ કાસમ ઇસ્માઇલ પતાણી અને નવાઝ કાસમ પતાણી સામે નોંધાવી છે.આ હુમલામાં ઘવાયેલા યુવાનને તાકીદે સારવાર માટે જી.જી. હોસ્પીટલમાં ખસેડાયો હતો. ઇજાગ્રસત યુવાને સામાવાળા નવાઝને બાઇક ધીમુ ચલાવવા બાબતે કહેતા ઉશ્કેરાઇ જઇ આ બાબતનો ખાર રાખી બંનેએ એકસંપ કરીને આ હુમલો કર્યાનુ ફરીયાદમાં જાહેર થયુ છે.