મોત:નાની ખાવડીમાં ટાંકી પરથી પટકાતાં પરપ્રાંતિયનું મોત

જામનગર પંથકમાં નાની ખાવડી પાસે ખાનગી કંપનીના પેટ્રોલ અને ડીઝલ ટેન્ક પર ઉંચાઇએ કામ કરતા પરપ્રાંતિય શ્રમિકનુ અકસ્માતે નીચે પડી જતા શરીરે ગંભીર ઇજા થવાથી સારવારમાં મૃત્યુ નિપજયું હોવાનો બનાવ બહાર આવ્યો છે. જામનગર તાલુકાના નાની ખાવડી નજીક ખાનગી કંપનીના પેટ્રોલ-ડીઝલ ટેન્ક પર સુમનકુમાર રામપ્રવેશ ભગત(ઉ.વ.29) નામનો પરપ્રાંતિય શ્રમિક યુવાન તા.9ના રોજ બપોરે કામ કરી રહયો હતો જે વેળાએ  ટેન્ક પરથીઅકસ્માતે નીચે પડી જતા તેને શરીરે ગંભીર ઇજાઓ થવાથી તાકિદે સારવાર માટે જામનગરની જી.જી.હોસ્પીટલમાં ખસેડાયો હતો.સારવાર દરમિયાન તેનુ મૃત્યુ નિપજયુ હતુ. સિકકા પોલીસે હોસ્પીટલ ખાતે દોડી આવી મૃતદેહનુ પોષ્ટમોર્ટમ કરાવી વધુ તપાસ હાથ ધરી છે. મૃતક શ્રમિક મુળ બિહારના મુઝફફરનગર જિલ્લાના રાજપુરા ગામનો વતની હતો, હાલ સીકકા નજીક એલસી-4 કોલોનીમાં રહે છે.