કોરોના વોરિયર્સ:બીમાર પતિ 8 મહિનાની દીકરીને સાચવે અને પત્ની ચેકપોસ્ટ પર ફરજ બજાવે!

ધ્રોલ તાલુકાના જાયવા પીએચસી સબ સેન્ટરમાં સીએચઓ તરીકે ફરજ બજાવતા કલાવતીબેન ફ્રેન્કભાઈ ખ્રિસ્તી પોતાની 8 મહિનાની દીકરીને લઈને ધોમધખતા તાપમાં દેડકદળ ચેકપોસ્ટ પર ફરજ બજાવી રહ્યા છે. તેઓ ચેકપોસ્ટ પર પોતાના પતિને પણ સાથે લઈ જાય છે, ટાઈફોઈડની અસર હોવા છતાં પતિ બાળકીને સાચવે છે અને કલાવતીબેન કોરોના વોરિયર્સ તરીકે પોતાની ફરજ બજાવે છે. કલાવતીબેનની રોટેશન મુજબ ચેકપોસ્ટ પર અલગ અગગ 3 સીફ્ટમાં ફરજ આવે છે.  સવારે કામગીરી કરી હોય તો બપોર બાદ અને બપોરે ફરજ બજાવી હોય તો પછી સવારના ભાગે તેણે સબ સેન્ટર ખાતે પણ સેવા આપવાની હોય છે.