મૃત્યુ:જામનગરમાં શ્વાસ ઉપડતાં પરિણીત યુવતિએ દમ તોડયો, ચેલામાં છાતીમાં દુ:ખાવો થતા પ્રૌઢનું મૃત્યુ

જામનગરમાં સાધના કોલોનીમાં રહેતી પરિણિત યુવતિને શ્વાસ ઉપડતા સારવાર અર્થે જી.જી.હોસ્પીટલમાં ખસેડાતા તબીબે તેણીને મૃત ઘોષિત કરી હતી.જયારે ચેલા પાસે એસઆરપી કેમ્પમાં રહેતા પ્રૌઢનુ છાતીમાં દુ:ખાવો ઉપડતા મૃત્યુ થયું હતું.જામનગરમાં સાધના કોલોની વિસ્તારમાં એલ-21 બ્લોક ખાતે રેતી દિપ્તીબેન આશિષભાઇ પરમાર (ઉ.વ.23) નામની પરિણીત યુવતિને મંગળવારે મધરાતે એકાએક શ્વાસની તકલીફ થતા શ્વાસ ઉપડયો હતો આથી તેણીને તાકિદે સારવાર અર્થે જી.જી.હોસ્પીટલમાં લઇ જવાઇ હતી.જયાં ફરજ પરના તબીબે તેને મૃત ઘોષિત કરી હતી.આ બનાવની આશિષભાઇ પરમારે જાણ કરતા સીટી એ પોલીસે વધુ તપાસ હાથ ધરી છે.\ચેલા નજીક એસઆરપી કેમ્પમાં રહેતા મુળ રાજકોટ જીલ્લાના ગોંડલ તાલુકાના રૂપાવટીનાપ્રવિણસીંહ નારસંગજી ચુડાસમા (ઉ.વ. 65) નામના વૃધ્ધને છાતીમાં દુ:ખાવો ઉપડતા સારવારમાં ખસેડાયા બાદ તેમનુ મૃત્યુ નિપજયું હતું.