પરપ્રાંતિય:જામનગરમાં વતનમાં જવાની લ્હાયમાં શ્રમિકોના ટોળાં ઉમટતા દોડધામ

કામ કરતા પરપ્રાંતિય શ્રમિકોને લોકડાઉનમાં વતનમાં પહોંચાડવા જિલ્લા વહીવટીતંત્ર દ્વારા બસ અને ટ્રેનની વ્યવસ્થા કરવામાં આવી છે. અત્યાર સુધીમાં 1043 બસ અને 6 ટ્રેન શ્રમિકોને લઇને  રવાના થઇ ચૂકી છે. જિલ્લા વહીવટીતંત્ર દ્વારા ટ્રેનમાં જતાં શ્રમિકોને ખાસ બસમાં રેલવે સ્ટેશન લઇ જવામાં આવે છે અને આગામી દિવસોમાં ટ્રેન જવાની હોય શ્રમિકોને ધીરજ રાખવા  જણાવ્યું છે. આ સ્થિતિમાં મંગળવારે વધુ એક વખત દિગ્જામ સર્કલે વતનમાં જવા માટે શ્રમિકોનો ટોળાં ઉમટી પડતા જિલ્લા વહીવટીતંત્રમાં દોડધામ મચી ગઇ હતી. વતનમાં જવા માટેની લ્હાયમાં શ્રમિકો સોશ્યલ ડીસ્ટન્સ ભૂલી ગયા હતાં.