તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

તબીબો નારાજ:નોટિસ ફટકારાતા કોરોના વોરિયર્સ તબીબો વિફર્યા, જી.જી. હોસ્પિટલમાં ભારે ઊહાપોહ, જામનગરથી રાતોરાત ગાંધીનગર બોલાવી લેવાયા

જામનગર9 મહિનો પહેલા
  • કૉપી લિંક
  • સૌરાષ્ટ્રની સૌથી મોટી જી.જી. હોસ્પિટલના મેડિકલ સુપ્રિન્ટેન્ડન્ટનો ચાર્જ ડો. તિવારીને સોંપી દેવાયો
  • નારાજ તબીબોએ રાજીનામા ધરી દેવાની પેરવી કરતા ગાંધીનગર સુધી ફોનના દોરડા ધણધણતા એક્શન લેવાયા
  • સુપ્રિન્ટેન્ડન્ટ ડો. નંદિની બાહરીને ‘બહારનો’ રસ્તો દેખાડાયો

સૌરાષ્ટ્રની પ્રથમ ક્રમાંકની સરકારી જી.જી. હોસ્પિટલના મેડિકલ સુપ્રિન્ટેન્ડન્ટ ડો. બાહરીએ અહિંના એક ડોકટરને નોટિસ આપી તેની સામે ઇન્કવાયરી શરૂ કરી હતી. જેનાથી છંછેડાયેલા ડોક્ટરે રાજીનામું આપવાની પેરવી હાથ ધરતા તેના ટેકામાં અન્ય ડોક્ટરોએ પણ રાજીનામા દેવાની તૈયારી કરતા તંત્રમાં ભારે દોડધામ મચી ગઈ હતી. અંતે ગાંધીનગર સુધી ફોનના દોરડા ધણધણી ઉઠ્યા હતા અને સુપ્રિન્ટેન્ડન્ટના વલણથી નારાજ ગાંધીનગરના અધિકારીઓએ તેને હાલ તાત્કાલિક ગાંધીનગર બોલાવી લઈ મામલો ઠંડો પાડ્યો છે.
કંટાળેલા ડોક્ટરે પોતાનું રાજીનામું આપવાની તૈયારી કરી હતી.
સૌરાષ્ટ્રની સૌથી મોટી જી.જી. હોસ્પિટલમાં ઘણા સમયથી ચર્ચામાં રહેલા ડો. નંદિની બાહરી જે મેડિકલ સુપ્રિન્ટેન્ડન્ટ તરીકે ઈન્ચાર્જમાં છે તેમણે કોરોના રિપોર્ટને લઈને જી.જી. હોસ્પિટલના એક કોરોના વોરિયર તરીકે ફરજ બજાવતા ડોકટરને નોટિસ ફટકારી તેના ઉપર રાતોરાત તપાસ સમિતિ બેસાડીને તેને ક્વોરન્ટાઈન કરવા સુધીની ધમકી અાપી હતી. આ ઘટનાથી તબીબી આલમમાં રોષ તો ઘણા સમયથી હતો અને હવે એ જ મામલે કંટાળેલા ડોક્ટરે પોતાનું રાજીનામું આપવાની તૈયારી કરી હતી. આ વાતની જાણ અન્ય ડોક્ટરોને થતાં તેમણે પણ રાજીનામા આપવાની તૈયારી હાથ ધરતા હોસ્પિટલ તંત્રમાં હડકંપ મચી ગયો હતો.કોરોનાના સમયમાં ડોક્ટરોના રાજીનામાથી વ્યવસ્થા તંત્ર પડી ભાંગે તેમ હોય, ગાંધીનગર ખાતે પણ તેની ગંભીર નોંધ લઈ આ પ્રકરણમાં તાત્કાલિક ડો. બાહરીને ગાંધીનગર ખાતે ખસેડી દેવામાં આવ્યા હતા અને તાત્કાલિક અસરથી ચાર્જ ડો. તિવારીને સોંપવામાં આવ્યો હતો જેનાથી હાલ પૂરતું પ્રકરણ ઠંડું પડી જાય, પરંતુ કોરોના જેવા સમયમાં રાતોરાત સુપ્રિન્ટેન્ડેટની બદલીથી તબીબી આલમમાં ભારે ખળભળાટ સાથે ચર્ચા જાગી છે.હાલમાં કોરોના જેવી મહામારી સામે તબીબો જંગ ખેલી રહયા છે ત્યારે જામનગરની જી.જી. હોસ્પિટલ આ ઘટનાના પગલે ચર્ચામાં આવી ગઇ છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે તમારી પ્રતિભા અને વ્યક્તિત્વ લોકો સામે આવશે તથા તમે તમારા કાર્યોને યોગ્ય રીતે પૂર્ણ કરી શકશો. તમારા વિરોધીઓ તમારી સામે ટકી શકશે નહીં. સમાજમાં પણ માન-સન્માન જળવાયેલું રહેશે. નેગેટિવઃ- ...

    વધુ વાંચો