ક્રાઇમ:લધુશંકાની શંકા રાખી સગા ભાઇનો ભાઇ પર હુમલો

લધુશંકાની શંકા રાખી સગાભાઇએ ભાઇ પર હુમલો કરતા ચકચાર જાગી છે. એક જ મકાનમાં રહેતા ભાઇએ ભાઇને માર મારી ધમકી આપ્યાનું ફરિયાદમાં જાહેર થયું છે. 

લાકડી વડે હુમલો કરી જાનથી મારી નાખવાની ધમકી આપી
જામનગરમાં શંકરટેકરી સિધ્ધાર્થ કોલોની શેરી નં.14 માં પ્રેમજીભાઇ પીતાંબરભાઇ ચૌહાણ(ઉ.વ.55)  અને તેના સગાભાઇ જગદીશભાઇ  એક જ મકાનમાં ઉપર નીચે રહે છે. આ દરમ્યાન શુક્રવારના જગદીશભાઇને પોતાના  બાથરૂમમાં  પ્રેમજીભાઇ લુધશંકા કરી ગયાની શંકા ગઇ હતી. આથી જગદીશભાઇએ ઉશ્કેરાઇને પોતાના સગાભાઇ પ્રેમજીભાઇ પર લાકડી વડે હુમલો કરી જાનથી મારી નાખવાની ધમકી આપી હતી. હુમલાને કારણે પ્રેમજીભાઇને ઇજા થતાં સારવાર અર્થે હોસ્પિટલ ખસેડાયા હતાં. બનાવ અંગે પ્રેમજીભાઇએ ફરિયાદ નોંધાવતા પોલીસે જગદીશભાઇ સામે હુમલા સહીતની કલમો હેઠળ ગુનો નોંધી તપાસ હાથ ધરી છે. લધુશંકાની શંકા રાખી સગાભાઇએ ભાઇ પર હુમલો કર્યાના બનાવે શહેરભરમાં ચકચાર જગાવી છે. પોલીસે ફરિયાદના આધારે કાર્યવાહી હાથ ધરી છે.