ક્રાઇમ:ખંભાળિયામાં ખાનગી હોસ્પિટલના તબિબ પર ત્રિપૂટીનો ધોકા વડે હુમલો

ખાનગી હોસ્પિટલના તબિબ પર રાત્રિના ત્રણેક શખ્સોએ ધોકા વડે હુમલો કરી તબીબને ઇજાગ્રસ્ત કર્યા હોવાનો બનાવ નોંધાયો છે.રાત્રિના તબીબ હોસ્પિટલ બંધ કરી બાઇક પર ઘરે જઇ રહ્યા હતાં દરમિયાન બાઇક પર ઘસી આવેલા ત્રણ શખ્સોએ ધોકા વડે હુમલો કરી ઇજા પહોંચાડી સ્થળ પરથી પલાયન થઇ ગયા હતાં. ઇજાગ્રસ્ત તબીબને સારવાર માટે હોસ્પિટલ ખસેડાયા હતાં.પોલીસે ઘટના આસપસાના સ્થળના સીસીટીવી ફુટેઝ મેળવી હુમલાખોરોને પકડી પાડવા તપાસ આરંભી છે.

હુમલાખોરો સ્થળ પરથી પલાયન થઈ ગયા
ખંભાળીયામાં ગુર્જર સુતાર જ્ઞાતિની વાડી નજીક આવેલી ખાનગી કલરવ બાળકોની હોસ્પિટલનાં તબિબ રમેશભાઈ નાગજીભાઈ ભંડેરી સોમવારે રાત્રિના હોસ્પિટલથી પોતાના ઘરે બાઇક પર જઇ રહ્યા હતાં.દરમિયાન રસ્તામાં બાઇક પર ઘસી આવેલા ત્રણ શખ્સોએ બાઇક આંતરીને તબિબને જમીન પર પટકાડીને ધોકા વડે તૂટી પડ્યા હતાં. બનાવમાં ઇજાગ્રસ્ત તબિબને તાત્કાલીક સારવાર માટે હોસ્પિટલ ખસેડાયા હતાં. હુમલાખોરો સ્થળ પરથી પલાયન થઈ ગયા હતાં.નગરગેટ પોલીસ ચોકીના પીએસઆઇ પ્રદિપસિંહ જાડેજા દ્વારા હુમલાખોરોને પકડી પાડવા તપાસ આરંભી છે.