સુવિધા:ગોંડલના મહત્ત્વના પ્રોજેક્ટ સાંઢિયો પુલ ઓવરબ્રિજનું કામ પૂર્ણતાના આરે... કમુરતાં બાદ લોકાર્પણ થશે

ગોંડલના જેતપુર રોડ ઉપરથી શહેરમાં પ્રવેશવાનો એક માત્ર રસ્તા પરનો રાજવી કાળનો સાંઢીયો પુલ જર્જરિત થતા નગરપાલિકા અને રેલવેના સયુંકત ઉપક્રમે નવો બનાવાઇ રહેલો ઓવર બ્રિજ અનેક વિઘ્નો બાદ પૂર્ણ થવા આવ્યો છે ફાઇનલ ફિનિશિંગ ચાલી રહ્યું છે.

કમુરતાં બાદ લોકાર્પણ કરવામાં આવશે તેવું પાલિકા પ્રમુખ અશોકભાઈ પીપળીયાએ જણાવ્યું હતું. અત્રે ઉલ્લેખનીય છે કે ચાર વર્ષ પહેલા દશ માસની મુદતમાં પુલનું કામ શરૂ થયું હતું જેન પૂર્ણ થવામાં લાંબો સમય લાગી જતા પ્રજા પણ હેરાન પરેશાન થઈ જવા પામી હતી.