વિવાદ:ગોંડલ વોરાકોટડા રોડ ચિસ્તિયા મસ્જિદ પાસે યુવાનો વચ્ચે મારામારી

ગોંડલ શહેરના વોરા કોટડા રોડ પર ચીસ્તીયા મસ્જિદ પાસે પાનના ગલ્લે યુવાનો વચ્ચે મારામારી સર્જાતા સામસામી પોલીસ ફરિયાદ નોંધાઇ છે. પાનના ગલ્લે એકઠા થયેલા યુવાનો વાતો કરવાને બદલે જૂના મનદુ:ખના લીધે મારામારી થતાં મામલો પોલીસમાં પહોંચી ગયો હતો.

વોરાકોટડા રોડ ઉપર રહેતા અમીર ઉર્ફે બટેટી અકબરભાઈ સુમરા તેમજ તેનો મિત્ર હનીફ મીર પાનની દુકાન પાસે બેઠા હતા ત્યારે હસન ઈસમાઈલ ભાઈ થારીયાણી અને તેનો ભાઈ હુસેન ઘસી આવ્યા હતા. લોખંડના હાથમા પહેરવાના પંચર પડે હુમલો કરતા યુવાનો ઇજાગ્રસ્ત થયા હતા. જે અંગે પોલીસમાં ફરિયાદ નોંધાવતા પોલીસે ગુનો નોંધી કાર્યવાહી હાથ ધરી હતી. જ્યારે સામાપક્ષે હસન થારીયાણી એ અમીર ઉર્ફે બટેટી અકબરભાઈ સુમરા તેમજ તેના ભાઈ સમીર વિરુદ્ધ ફરિયાદ નોંધાવી હતી બનાવ અંગે નું કારણ જૂનો ઝઘડો હોવાનું પોલીસ સૂત્રોએ જણાવ્યું હતું.