રજૂઆત:ગોંડલમાં શુદ્ધ ઘીના અડદિયાના નામે થતા વેપલામાં ચેકિંગ જરૂરી

ગોંડલ શહેરમાં લોકો શુદ્ધ ઘી મેળવવા ઊંચામાં ઊંચા રૂપિયા આપતા હોવા છતાં પણ કેટલાંક અપવાદોને બાદ કરતાં શુદ્ધ ઘી ન મળતું હોવાની ફરિયાદો ઉઠી રહી છે. આ અડદિયા શુદ્ધ ઘીના જ છે કે? તે ખાદ્ય વિભાગ દ્વારા તપાસ કરવામાં આવે તેવી માંગ ઉઠવા પામી છે. કેટલાક વેપારીઓ દ્વારા દેશી ઓસડીયા ઉમેરી અડદીયા બનાવવામાં આવતા હોવાના દાવો કરવામાં આવી રહ્યો છે અને ગ્રાહકો પાસેથી તોતિંગ ભાવ પણ ઉઘરાવવામાં આવી રહ્યો છે અને અડદિયાનો જથ્થો ગુજરાત સહિત મુંબઈ સુધી પહોંચાડવામાં આવી રહ્યો છે,

બિલ વગર અડદિયાના વેચાણથી તોતિંગ વેપાર કરાતો હોય ઇન્કમટેક્સ વિભાગ દ્વારા જો વેચાણ અંગેની તપાસ હાથ ધરાય તો ઇન્કમ ટેક્સ ચોરી પણ બહાર આવે તેવી લોકોમાં ચર્ચા છે. આ ઉપરાંત અડદિયામાં વપરાતા ઘી સહિતની સામગ્રી ચોખ્ખી જ છે કે કેમ તેની તપાસ કરવામાં આવે તો પણ ઘણી પોલ ખુલી શકે તેમ છે.