વિદ્યાર્થીઓમાં રોષ:મોટા દડવામાં બસસ્ટેન્ડની સુવિધા, પણ બસચાલક બારોબારથી રવાના

હાથ ઉંચો કરો અને બસમાં બેસો આ સ્લોગન સાથે એસ.ટી બસ ના પાટિયા પર વાસ્તવિકતા ચિત્ર અલગ જોવા મળી રહ્યુ છે. ગોંડલ અને જસદણ એમ બે તાલુકા વચ્ચે લટકતું મોટાદડવા ગામ બંને તાલુકા ક્ષેત્રમાં મોટું છે પરતું અહી તો વિકાસ નીમાણો જોવા મળી રહ્યો છે. અહીં સુવિધાના નામે શૂન્ય આટલેથી અહીં અટકતું નથી. અહીં સુવિધા સભર બસો તો મુકી પરતું પેસેન્જર માટે નહીં. બસસ્ટોપ દેખાડવા માટે આ બસો તેમજ તેમનાં ડ્રાઈવર આવજો બાય બાય કરી બાયપાસ થી રવાના કરી દે છે. લોકો જણાવી રહ્યાં છે કે અમોને પુર્ણ પણે એસ.ટી બસ સેવા પણ મળતી નથી જે બસ ચાલુ થઇ ગઇ છે એ બસ પણ બસસ્ટેશનમાં જોવા મળતી નથી. ત્યારે નવી બસ માટે આશા શી રાખવી?

હાલ ખાસ કરીને વહેલી સવાર ના લોકો માટે ઉપયોગી નીવડતી ગોંડલ ચોટીલા બસ વહેલી સવારના 7 કલાકે મળતી હોય છે. એ જ બસ બપોરના બાર વાગ્યાના ગોંડલ જવા મળતી હોય છે. જે બસસ્ટોપમા આવતી પણ નથી કે સ્ટોપ પર ઉભી પણ રહેતી નથી. એક તરફ બસસ્ટેશનમાં બેઠેલા મુસાફરો વાટ જોઈને નાછૂટકે પ્રાઇવેટ વાહનોમાં તગડા પૈસા ચૂકવી મુસાફરી કરવા મજબૂર બન્યાં છે. જો કે આ બાબત તાલુકા પંચાયત સદસ્ય નિર્મળભાઈ વાળા તેમજ પંચાયતના સભ્ય ઉદયભાઈ વાળાએ અનેકવાર આ અંગે રજૂઆત કરી હતી પરંતુ હજુ સુધી કંઇ પગલાં લેવાયા નથી.

ઉલ્લેખનીય છે કે નાના એવા ગામમાં બસસ્ટેન્ડની સુવિધા પણ ક્યારેક આપવામાં આવી હોતી નથી અને ગ્રામ્ય પ્રજા માટે એસટી બસ જ એકમાત્ર સહારો હોય છે ત્યારે અમુક બસચાલકની મનમાની અને ડેપો મેનેજરની મૂક સંમતિના લીધે અેવું બનતું હોય છે કે મુસાફરો સ્ટેન્ડમાં રાહ જોતા રહી જાય અને બસ બારોબારથી જ નિકળી જતી હોય છે.